ەلباسى نۇرسۇلتان ءابىشۇلىنىڭ قازاقستان حالقىنا ارناعان ۇندەۋى “پرەزيدەنتتىڭ بەس الەۋمەتتىك باستاماسى” دەپ اتالادى. اتالعان باستاما نەگىزىندە ەلىمىزدەگى باسپانامەن قامتىلعاندار، جالاقىسى وسكەن جۇمىسشىلار، ءبىلىم الۋعا ءتيىمدى جول تاپقان جاستار مەن شاعىن نەسيە العان كاسىپكەرلەر كوبەيگەن. ۇندەۋدەگى ءۇشىنشى باستاما – جوعارى ءبىلىم الۋدىڭ قولجەتىمدىلىگى مەن ساپاسىن ارتتىرىپ، ستۋدەنت جاستاردىڭ جاتاقحاناداعى جاعدايىن جاقسارتۋ دەپ اتالعان بولاتىن.

وسى نەگىزدە ەلىمىزدىڭ ءار وڭىرىندە قارقىندى جۇمىستار اتقارىلىپ جاتىر. ماسەلەن، كۇنى كەشە تۇركىستان وبلىسىندا جاڭا تەحنولوگيانى مەڭگەرگەن IT ماماندارى ءوز بىلىكتىلىگىن ارتتىردى. وعان تۇركىستان وبلىستىق ءبىلىم باسقارماسى نەگىز بولعان. ول جەردە ەكونوميكانىڭ دامۋىن قاجەتتى 8 سالاعا باسىمدىق بەرىلگەن. ولاردىڭ قاتارىنا: اۋىل شارۋشالىعى، قۇرىلىس، IT تەحنولوگيالار، تىگىن جانە توقىما ءوندىرىسى، تەحنيكالىق جانە تەحنولوگيالىق، قىزمەت كورسەتۋ مەن تۋريزم سونداي-اق، ءبىلىم بەرۋ سالالارى قامتىلعان. سول نەگىزدە تۇركىستان وبلىسىندا 17 كوللەدج 22 ماماندىق بويىنشا ارنايى ورتالىقتار قۇرعان. ورتالىق قۇرۋداعى نەگىزگى ماقسات – ەل ەكونوميكاسىنداعى يندۋستريالدى-يننوۆاتسيالىق دامۋدىڭ قارقىنىن ەسكەرە وتىرىپ، وكىردەگى جاستاردى تەحنيكالىق جانە كاسىپتىك بىلىممەن قامتاماسىز ەتۋ. تەك، بىلىممەن قامتىپ قانا قويماي، جوعارعى وقۋ ورنىنا دەيىنگى ءبىلىم وشاقتارىنىڭ ستۋدەنتتەرىن وقۋ بىتىرگەن سوڭ سۇرانىسقا ساي جۇمىسپەن قامتۋدى دا قامتاماسىز ەتپەك. بۇگىندە وڭىردەگى 36 جوعارعى وقۋ ورنىنا دەيىنگى ءبىلىم بەرۋ مەكەمەلەرى IT تەحنولوگيا سالاسى بويىنشا بولاشاق ماماندار دايارلاپ وتىر. اتالعان وقۋ ورىندارىنىڭ بارلىعى تەحنيكالىق جانە كاسىپتىك ءبىلىم بەرۋ جۇيەسىن دامىتۋ ءۇشىن قۇرىلعان قۇزىرەتتىلىك ورتالىققا ەنگىزىلگەن. قازىر تۇركىستان وڭىرىندە وبلىسىتىق ءبىلىم باسقارماسى مەن VISION ينتەرنەت ماركەتينگ كومپانياسى اراسىندا كەلىسىم شار ورناتۋ جۇمىستارى جۇرگىزىلگەن كورىنەدى. ال، وسى جىلدىڭ 25-اقپان مەن 8 ناۋرىز ارالىعىندا تۇركىستان وبلىسىنداعى 22 كوللەدجدىڭ 23 مامانى “WEB – ديزاين” “گرافيكالىق ديزاين” بويىنشا بىلىكتىلىكتەرىن ارتتىرۋدىڭ كەشەندى كۋرسىنان وتكەن. ولاردىڭ بارلىعى دا IT تەحنولوگيا سالاسىنىڭ ماماندارى.

اتالمىش كۋرستاردان سوڭ، IT ماماندارىنىڭ زامان تالابىنا سايكەس، كاسىپتىك ءبىلىم بەرۋ ساپاسىن كوتەرىپ، جان-جاقتى قالىپتاسقان ماماندار دايىندالىپ شىقپاق.

ەلباسىنىڭ اتالعان باستاماسى ءدال وسىلاي باسقا وڭىرلەردە دە قولداۋ تاۋىپ جاتىر. اسىرەسە، ستۋدەنت جاستاردىڭ جاتاقحانامەن قامتىلۋ دەڭگەيى وسكەن. ماسەلەن، الداعى ۋاقىتتا وڭتۇستىك استانا ستۋدەنتتەرى ءۇشىن 42 جاتاقحانا سالىنباق. ولار 20 مىڭ ورىندى قامتيتىن بولادى. وسىلايشا، ەلىمىزدەگى ەڭ كوپ ستۋدەنت جاستار ءبىلىم الاتىن الماتى شاھارى جاستاردى وسىلاي قۋانتپاق. قورىتا ايتقاندا، ەلباسى ۇندەۋىندەگى ءار جول، ءار باستاما بۇگىنگى حالىقتىڭ الەۋمەتتىك جاعدايىن جاقسارتۋعا باعىتتالعان. ول ءۇشىن مەملەكەت تاراپىنان بارلىق قامقورلىق تا كورسەتىلىپ جاتىر. تەك، ەندى وسى مۇمكىندىكتى ءار ءوڭىر يگىلىگىنە پايدالانا السا دەيمىز.

Abai.kz