Elbasy Núrsúltan Ábishúlynyng qazaqstan halqyna arnaghan Ýndeui “Preziydentting bes әleumettik bastamasy” dep atalady. Atalghan bastama negizinde elimizdegi baspanamen qamtylghandar, jalaqysy ósken júmysshylar, bilim alugha tiyimdi jol tapqan jastar men shaghyn nesie alghan kәsipkerler kóbeygen. Ýndeudegi ýshinshi bastama – joghary bilim aludyng qoljetimdiligi men sapasyn arttyryp, student jastardyng jataqhanadaghy jaghdayyn jaqsartu dep atalghan bolatyn.

Osy negizde elimizding әr ónirinde qarqyndy júmystar atqarylyp jatyr. Mәselen, kýni keshe Týrkistan oblysynda jana tehnologiyany mengergen IT mamandary óz biliktiligin arttyrdy. Oghan Týrkistan oblystyq bilim basqarmasy negiz bolghan. Ol jerde ekonomikanyng damuyn qajetti 8 salagha basymdyq berilgen. Olardyng qataryna: auyl sharushalyghy, qúrylys, IT tehnologiyalar, tigin jәne toqyma óndirisi, tehnikalyq jәne tehnologiyalyq, qyzmet kórsetu men turizm sonday-aq, bilim beru salalary qamtylghan. Sol negizde Týrkistan oblysynda 17 kolledj 22 mamandyq boyynsha arnayy ortalyqtar qúrghan. Ortalyq qúrudaghy negizgi maqsat – el ekonomikasyndaghy industrialdy-innovasiyalyq damudyng qarqynyn eskere otyryp, ókirdegi jastardy tehnikalyq jәne kәsiptik bilimmen qamtamasyz etu. Tek, bilimmen qamtyp qana qoymay, jogharghy oqu ornyna deyingi bilim oshaqtarynyng studentterin oqu bitirgen song súranysqa say júmyspen qamtudy da qamtamasyz etpek. Býginde ónirdegi 36 jogharghy oqu ornyna deyingi bilim beru mekemeleri IT tehnologiya salasy boyynsha bolashaq mamandar dayarlap otyr. Atalghan oqu oryndarynyng barlyghy tehnikalyq jәne kәsiptik bilim beru jýiesin damytu ýshin qúrylghan qúzyrettilik ortalyqqa engizilgen. Qazir Týrkistan ónirinde oblysytyq bilim basqarmasy men VISION internet marketing kompaniyasy arasynda kelisim shar ornatu júmystary jýrgizilgen kórinedi. Al, osy jyldyng 25-aqpan men 8 nauryz aralyghynda Týrkistan oblysyndaghy 22 kolledjding 23 mamany “WEB – dizayn” “Grafikalyq dizayn” boyynsha biliktilikterin arttyrudyng keshendi kursynan ótken. Olardyng barlyghy da IT tehnologiya salasynyng mamandary.

Atalmysh kurstardan son, IT mamandarynyng zaman talabyna sәikes, kәsiptik bilim beru sapasyn kóterip, jan-jaqty qalyptasqan mamandar dayyndalyp shyqpaq.

Elbasynyng atalghan bastamasy dәl osylay basqa ónirlerde de qoldau tauyp jatyr. Ásirese, student jastardyng jataqhanamen qamtylu dengeyi ósken. Mәselen, aldaghy uaqytta ontýstik Astana studentteri ýshin 42 jataqhana salynbaq. Olar 20 myng oryndy qamtityn bolady. Osylaysha, elimizdegi eng kóp student jastar bilim alatyn Almaty shahary jastardy osylay quantpaq. Qoryta aitqanda, Elbasy Ýndeuindegi әr jol, әr bastama býgingi halyqtyng әleumettik jaghdayyn jaqsartugha baghyttalghan. Ol ýshin memleket tarapynan barlyq qamqorlyq ta kórsetilip jatyr. Tek, endi osy mýmkindikti әr ónir iygiligine paydalana alsa deymiz.

Abai.kz