سارسەنبى, 27 قاڭتار 2021
1185 0 پىكىر 28 ناۋرىز, 2019 ساعات 17:12

تۇركىستان وبلىسىندا اۋىلشارۋاشىلىعى سالاسىنداعى ازاماتتارعا 1 ملرد 527 مىڭ كولەمىندە نەسيە بەرىلگەن

پرەزيدەنتتىڭ بەس الەۋمەتتىك باستاماسى – ەلباسى نۇرسۇلتان نازارباەۆتىڭ قازاقستان حالقىنا ارناعان ۇندەۋى. اتالعان ۇندەۋ جاريالانعان سوڭ، حالىق تاراپىنان ۇلكەن قولداۋعا يە بولدى. سەبەبى، مۇندا ەلىمىزدىڭ الەۋمەتتىك ماسەلەسىن شەشۋگە ارنالعان ناقتى قادامدار ۇسىنىلعان. ونداعى ءتورتىنشى باستاما – "شاعىن نەسيە بەرۋدى كوبەيتۋ" دەپ اتالعانى بەلگىلى.

بۇل ەلدەگى كاسىپكەرلىكپەن اينالىساتىن ازاماتتارعا ۇلكەن قولداۋ بولدى. ماسەلەن، وسى باستاما نەگىزىندە اقتوبە وبلىسىندا جىل باسىنان بەرى ءوز كاسىبىن اشقان 1000 عا جۋىق ادام 4,7 ملرد تەڭگە كولەمىندە شاعىن نەسيە العان. ولاردىڭ ىشىندەگى اۋىل تۇرعىندارىنىڭ سانى 92,3% ءى قۇرايدى. ال، شاعىن نەسيە بەرۋ بويىنشا وسى ۋاقىتقا دەيىن ەكىنشى دەڭگەيلى بانكتەرگە 112 ازامات ءوتىنىش جولداپ، 42 جوباعا قاراجات بەرىلگەن. ول جوبالارعا بەرىلگەن قاراجات كولەمى 464,3 ميلليون تەڭگەنى قۇراعان. سونىمەن قاتار، وسى ۋاقىتقا دەيىن شاعىن نەسيە بەرۋ بويىنشا 6 جوبا ماقۇلدانىپ، ولارعا 68,2 ميلليون تەڭگە كولەمىندە قارجى قاراستىرىلعان. الداعى ۋاقىتتا 216,1 ميلليون تەڭگەنى قۇرايتىن 16 جوبا قارالىپ جاتىر.

ەلباسىنىڭ وسى باستاماسى ءوڭىر كاسىپكەرلەرىن دە قۋانتقانى انىق. ماسەلەن، وسى ۋاقىتقا دەيىن شاعىن نەسيە بەرۋ بويىنشا تۇركىستان وبلىسى، ماقتارال اۋدانىندا اۋىلشارۋاشىلىعى سالاسىنداعى ازاماتتارعا 1 ملرد 527 مىڭ كولەمىندە نەسيە بەرىلگەن. ول قاراجاتتان مال شارۋاشىلىعىنا 528 ميلليون تەڭگە ءبولىندى. ال، ەگىن شارۋاشىلىعىنا – 777 ميلليون تەڭگە بەرىلگەن. وڭىردەگىشاعىن جانە ورتا بيزنەستى دامىتۋعا، سونداي-اق، جىلىجايلارعا 221 ميلليون تەڭگە كولەمىندە مەملەكەتتىك قوداۋ بولعان.

بۇگىندە تۇركىستان وبلىسىنداعى شاعىن بيزنەس مەملەكەتتىڭ قولداۋىمەن قارقىندى دامىپ كەلەدى. ماسەلەن، سايرام اۋدانىنداعى “راسۆەت” وندىرىستىك كوپەراتيۆى ءسۇت ونىمدەرىنەن ىرىمشىك جانە سۇزبە ءوندىرىپ وتىر. بۇگىندە كاسىپورىن وڭىردەگى 20 ادامدى جۇمىسپەن قامتىعان.  مۇنداعى قۇرال -جابدىقتار تۇركيادان اكەلگەن. ال،كاسىپورىندا تاۋلىگىنە 8-10 توننا ءسۇت وندىرىلەتىن كورىنەدى.

بۇگىندە “راسۆەت” وندىرىستىك كووپەراتيۆىنە مەملەكەت تاراپىنان قاتتى ىرىمشىك ءتۇرىن سۋبسيديالاۋعا مۇمكىندىك بەرىلگەن. ەندى ولار “اگرو كرەديت” كورپوراتسياسى ارقىلى كاسىپورىنداعى ەسكىرگەن قۇرال جابدىقتاردى جاڭارتپاق.

ەلباسىنىڭ “شاعىن نەسيە بەرۋدى كوبەيتۋ” دەپ اتالعان باستاماسى وڭتۇستىك وڭىردەگى كاسىپكەرلىكپەن اينالىساتىن اعايىننىڭ ىنتاسىن ارتتىرعانداي. الداعى ۋاقىتتا دا وسى باستاما نەگىزىندە ءار وڭىردە ىرگەلى جۇمىستار اتقارىلماق. ويتكەنى ەلباسى باستاماسى – جارقىن بولاشاق كەپىلى.

Abai.kz

0 پىكىر