ليتۆا زيالىلارى 1989 جىلى ما ەكەن، سوۆەت وداعىنىڭ قۇرامىنان شىعۋ تۋرالى العاشقى جيىننان كەيىن شىعارماشىلىق وداق ءۇيىنىڭ تەمىر قورشاۋىنا سسسردىڭ قىزىل پاسپورتىن ءىلىپ كەتكەن عوي...

ءيا، ولاردىڭ دەنى بۇرىنعى كوممۋنيستەر مەن كومسومولدار بولاتىن. پوستسوۆەتتەر تاريحىندا العاشقى بولىپ رۋحاني ليۋستراتسيا جاساعان دا وسى بالتىق بويى ەلى ەدى!

"بىرەۋدىكى بىرەۋگە قىزداي كورىنەدى" دەگەندى قازاق قالاي ءدال ايتقان. سول قازاق زيالىسى قازىر قانداي؟ ولگەن سوڭ ءۇيىنىڭ مۋزەيگە اينالۋىنان دامەسى بار بءىر بەلگىلى جازۋشىنىڭ قىزىل پاسپورتى مەن پارتبيلەتىن ماتاعا وراپ ساقتاپ قويعانىن بىلەمىن...

2015 جىلى «كسرو حالىق ءارتىسى» دەگەن اتاعىن تيتردان الىپ تاستاعانى ءۇشىن باعدارلاما رەداكتورى - جاس قىزدى باسشىلىعىنا ايتىپ جازالاتقان ءارتىستى كوردىم... مەكتەپ وقۋشىلارىمەن كەزدەسۋگە كەلگەن اقىن سسسر كەزىندەگى كىتاپ تارالىمى مەن قالاماقى تولەۋ جۇيەسىن ماقتاپ كەتكەن...

اشەيىن، ءبىر-ءبىرىنىڭ ارتىن قويىپ، الدىن اشىپ جاتقان ءبىزدىڭ ەليتاعا قاراپ ەسىمە ءتۇسىپ كەتتى...

قالماحانبەت مۇقامەتقاليدىڭ facebook پاراقشاسىنان

Abai.kz