الماتى قالاسىنىڭ ارداگەرلەر كەڭەسى الداعى 9 مامىردا سوعىس مايدانىندا شەيىت بولعاندارعا تاعزىم ەتۋ ماقساتىندا وتەتىن جەڭىس كۇنىندە ساياسي استارى بار ميتينگىلەر وتكىزۋ ماسەلەسىنە الاڭداپ وتىر.

«ءبىز ەستىپ-ءبىلىپ وتىرمىز. بىزگە بەيبىت ءومىر سىيلاعان قاسيەتتى جەڭىس كۇنىندە الدەبىرەۋلەر حالىقتى ميتينگكە شاقىرىپ، ەل-جۇرتتى دۇرلىكتىرۋدە. بۇل نە دەگەن باسسىزدىق. بۇل نە دەگەن اتا-بابا رۋحىن قورلاۋ، سىيلاماعاندىق. حالقىمىزدا، قازاقتا مۇنداي ناداندىق ەشقاشان بولعان ەمەس. ءبىزدىڭ بارلىق ارانداتۋشىلارعا ايتارىمىز بىرەۋ.

ءبىز باتىر بابالارىمىزدىڭ قانىمەن كەلگەن قاسيەتتى جەڭىس كۇنىن، ارداگەرلەردىڭ رۋحىنا تاعزىم ەتۋ كۇنىن ساياسي ماسەلە الاڭىنا اينالدىرۋعا جول بەرمەيمىز. بارلىق ازاماتتاردى جەڭىس كۇنىندە بوس بايبالام سالاتىندارعا ەرمەي ۇلى جەڭىستىڭ 74 جىلدىعىن ەل بولىپ اتاپ وتۋگە شاقىرامىز.

قازاقستان رەسپۋبليكاسىنىڭ ىشكى ىستەر ورگاندارىنا 9 مامىردا جەر-جەرلەردە وتەتىن مەرەكەلىك شارالاردا ازاماتتاردىڭ قاۋىپسىزدىگىن ساقتاۋدى تالاپ ەتەمىز!»، – دەدى الماتى قالاسى ارداگەرلەر كەڭەسىنىڭ توراعاسى ە. شايحۋتدينوۆ.

Abai.kz