ورال. 6 ماۋسىم. قازاقپارات /ەلجان ەرالى/ - بقو بويىنشا ەكونوميكالىق قىلمىسقا جانە سىبايلاس جەمقورلىققا قارسى كۇرەس دەپارتامەنتى ارمان كينجيباەۆقا قاتىستى قىلمىستىق ءىستى اياعىنا دەيىن جەتكىزدى.

دەپارتامەنتتىڭ ءباسپاسوز قىزمەتىنەن اقليما بۇركىتباەۆانىڭ حابارلاعانىنداي، ا.كينجيباەۆ «ورال قالاسى تۇرمىستىق-كوممۋنالدىق شارۋاشىلىعى، جولاۋشىلار كولىگى جانە اۆتوموبيل جولدارى ءبولىمى» مم باستىعىنىڭ ورىنباسارى قىزمەتىن اتقارا ءجۇرىپ،  2008-2009 جىلدارى ارالىعىندا قالا كوشەلەرى مەن داڭعىلدارىندا قورشاۋ قۇرىلىسىن جۇرگىزۋ، سونىمەن قاتار قالانىڭ ارىق جۇيەسىن جوندەۋ تۇرىندەگى ورال قالاسىن اباتتاندىرۋ بويىنشا كەشەندى ءىس-شارالاردى جوسپارلاۋ جانە وتكىزۋ جونىندەگى مەكەمە جۇمىسىنا باسشىلىق ەتكەن.

2008 جىلعى 14 جەلتوقساندا اتالمىش ءبولىم مەن «اسس-تەرەكتا» جشس اراسىندا دوستىق داڭعىلى جانە «نۇر وتان» عيماراتىنىڭ الدىنا قورشاۋ سالۋ جونىندە جالپى سوماسى 21,3 ملن. تەڭگەگە مەملەكەتتىك ساتىپ الۋ كەلىسىمشارتى جاسالعان.

ا.كينجيباەۆ اتالعان نىساندار بويىنشا قۇرىلىس قۇنى اناعۇرلىم كوتەرمەلەنگەنىن جانە جۇمىستىڭ بۇل تۇرلەرىنە جوبالاۋ-سمەتالىق قۇجاتتامانىڭ جوقتىعىن انىق بىلە تۇرا، نىساندا ورىندالعان جۇمىس تۋرالى جالعان  مالىمەتتەر ەنگىزىلگەن 2008 جىلعى جەلتوقسانداعى ورىندالعان جۇمىس اكتىلەرىنە قولىن قويىپ، مەردىگەردىڭ ەسەپشوتىنا جالپى سوماسى 21,3 ملن. تەڭگە  تولەم اۋدارعان.

ورال. 6 ماۋسىم. قازاقپارات /ەلجان ەرالى/ - بقو بويىنشا ەكونوميكالىق قىلمىسقا جانە سىبايلاس جەمقورلىققا قارسى كۇرەس دەپارتامەنتى ارمان كينجيباەۆقا قاتىستى قىلمىستىق ءىستى اياعىنا دەيىن جەتكىزدى.

دەپارتامەنتتىڭ ءباسپاسوز قىزمەتىنەن اقليما بۇركىتباەۆانىڭ حابارلاعانىنداي، ا.كينجيباەۆ «ورال قالاسى تۇرمىستىق-كوممۋنالدىق شارۋاشىلىعى، جولاۋشىلار كولىگى جانە اۆتوموبيل جولدارى ءبولىمى» مم باستىعىنىڭ ورىنباسارى قىزمەتىن اتقارا ءجۇرىپ،  2008-2009 جىلدارى ارالىعىندا قالا كوشەلەرى مەن داڭعىلدارىندا قورشاۋ قۇرىلىسىن جۇرگىزۋ، سونىمەن قاتار قالانىڭ ارىق جۇيەسىن جوندەۋ تۇرىندەگى ورال قالاسىن اباتتاندىرۋ بويىنشا كەشەندى ءىس-شارالاردى جوسپارلاۋ جانە وتكىزۋ جونىندەگى مەكەمە جۇمىسىنا باسشىلىق ەتكەن.

2008 جىلعى 14 جەلتوقساندا اتالمىش ءبولىم مەن «اسس-تەرەكتا» جشس اراسىندا دوستىق داڭعىلى جانە «نۇر وتان» عيماراتىنىڭ الدىنا قورشاۋ سالۋ جونىندە جالپى سوماسى 21,3 ملن. تەڭگەگە مەملەكەتتىك ساتىپ الۋ كەلىسىمشارتى جاسالعان.

ا.كينجيباەۆ اتالعان نىساندار بويىنشا قۇرىلىس قۇنى اناعۇرلىم كوتەرمەلەنگەنىن جانە جۇمىستىڭ بۇل تۇرلەرىنە جوبالاۋ-سمەتالىق قۇجاتتامانىڭ جوقتىعىن انىق بىلە تۇرا، نىساندا ورىندالعان جۇمىس تۋرالى جالعان  مالىمەتتەر ەنگىزىلگەن 2008 جىلعى جەلتوقسانداعى ورىندالعان جۇمىس اكتىلەرىنە قولىن قويىپ، مەردىگەردىڭ ەسەپشوتىنا جالپى سوماسى 21,3 ملن. تەڭگە  تولەم اۋدارعان.

ساراپشىنىڭ قورىتىندىسىنا سايكەس ورىندالعان جۇمىس كولەمى 8,1 ملن. تەڭگە سوماسىنا كوتەرمەلەنگەن.

سونىمەن قاتار، 2009 جىلعى 3 ماۋسىمدا «جول كارتاسى» باعدارلاماسىن جۇزەگە اسىرۋ اياسىندا اتالعان ءبولىم جانە «كازپروەكتسەرۆيس لتد» جشس اراسىندا 47,0 ملن. تەڭگەگە ورال قالاسى ەۋرازيا داڭعىلىندا قورشاۋ سالۋعا مەملەكەتتىك ساتىپ الۋ كەلىسىمشارتى جاسالعان. مۇنىڭ دا قۇنى دۇرىس انىقتالماعانى جانە جوبالاۋ-سمەتالىق قۇجاتتامانىڭ جوقتىعى بەلگىلى بولدى. بۇعان قاراماستان ا.كينجيباەۆ ورىندالعان جۇمىس اكتىلەرىنە قولىن قويىپ، مەردىگەردىڭ ەسەپشوتىنا 47,0 ملن. تەڭگەنى زاڭسىز اۋدارعان. ساراپشىنىڭ قورتىندىسىنا سايكەس مۇنداعى جۇمىس كولەمىنىڭ قۇنى 23,2 ملن. تەڭگەنى قۇرايدى.

بۇدان باسقا، 2009 جىلعى 2 ماۋسىمدا «جول كارتاسى» باعدارلاماسىن جۇزەگە اسىرۋ اياسىندا اتالمىش ءبولىم جانە «كاراتت ينتەرنەشنل گرۋپپ» جشس، «ليۋكس» جشس اراسىندا جالپى سوماسى 28,4 ملن. تەڭگەگە ورال قالاسى ارىق جۇيەسىن اعىمداعى جوندەۋگە مەملەكەتتىك ساتىپ الۋ كەلىسىمشارتتارى جاسالعان. مۇندا دا ساراپشىنىڭ قورىتىندىسىنا سايكەس ارىق جۇيەسىن اعىمداعى جوندەۋ بويىنشا ورىندالعان جۇمىس كولەمى 13,7 ملن. تەڭگەگە كوتەرمەلەنگەن.

ا.كينجيباەۆتىڭ قىلمىستىق ءىس-ارەكەتىنىڭ ناتيجەسىندە مەملەكەتكە ءىرى مولشەردە 45 ملن. استام تەڭگە ماتەريالدىق شىعىن كەلتىرىلگەن.

اتالعان فاكتىلەر بويىنشا ا.كينجيباەۆقا قاتىستى قر قك 307-بابى 2-ءبولىمى بويىنشا (قىزمەتتىك وكىلەتىن اسىرا پايدالانۋ) قىلمىستىق ءىس قوزعالدى.

ورال قالالىق سوتى ا.ت.كينجيباەۆتى كىنالى دەپ تانىپ، 2 جىلعا باس بوستاندىعىنان ايىرۋعا، جازاسىن جالپى تارتىپتەگى تۇزەۋ كولونياسىندا وتەۋگە ۇكىم ەتتى.