«اق جول» پارتياسى پرەزيدەنت توقاەۆقا ليبەرالدى قۇندىلىقتاردى ۇستانعانى ءۇشىن ءوز العىسىن بىلدىرەدى – بۇل تۋرالى قاسىم-جومارت توقاەۆتىڭ قر پرەزيدەنتىنىڭ سايلاۋى جونىندەگى ۇندەۋىن تالقىلاۋ بارىسىندا ازات پەرۋاشەۆ مالىمدەدى.

تالقىلاۋ بۇگىن پارتيانىڭ ورتالىق وفيسىندە ورتالىق كەڭەس تورالقاسى مەن پارلامەنتتىك فراكتسيانىڭ بىرلەسكەن وتىرىسىندا ءوتتى. ءىس-شارا پارتيانىڭ ايماقتىق فيليالدارىنىڭ بەينەكونفەرەنتسبايلانىس رەجيمىنە قوسىلۋى ارقىلى جۇرگىزىلدى.

«اقجولدىقتار» مەملەكەت باسشىسىنىڭ كەزەكتەن تىس پرەزيدەنتتىك سايلاۋ تۋرالى باستاماسىن قولدايدى.

«سايلاۋ تۋرالى مالىمدەمە بەلسەندى قوعامدىق جاعدايدا كوپشىلىكتىڭ نازارىنا جولداندى. ءبىز، دەموكراتيالىق پارتيا رەتىندە، پرەزيدەنت توقاەۆقا ليبەرالدىق قۇندىلىقتاردى ۇستانعانى ءۇشىن ءوز العىسىمىزدى بىلدىرۋگە ءتيىسپىز. وعان كەزەكتى سايلاۋعا دەيىن ءوز لاۋازىمىندا قالۋعا ەشتەڭە دە كەدەرگى كەلتىرمەدى. بۇل – حالىقارالىق الدىڭعى قاتارلى تاجىريبەگە سۇيەنگەن ادەتتەگى ءداستۇر. الايدا، پرەزيدەنت جالپىحالىقتىق سايلاۋ جونىندە شەشىم قابىلدادى. سايلاۋ تازا، اشىق ءارى ءادىل وتەتىنىنە سەنىم ءبىلدىردى»، - دەپ اتاپ ءوتتى سويلەگەن سوزىندە ازات پەرۋاشەۆ.

ول پارتيانىڭ سايلاۋعا قاتىسۋى، پرەزيدەنتتىك سايلاۋعا كانديداتتاردى ۇسىنۋ جونىندەگى شەشىم تەك قانا قۇرىلتايدا قابىلداناتىنىن جەتكىزدى.

«دەموكراتيالىق قاعيدالاردى ۇستانا وتىرىپ، قۇرىلتايدىڭ ءاربىر دەلەگاتتارى ءوز ۇمىتكەرلەرىن ۇسىنا الادى. دەگەنمەن، سوڭعى شەشىمدى پارتيا سەزى قابىلدايدى»، - دەپ تولىقتىرىپ ءوتتى «اق جول» جەتەكشىسى.

وسىعان بايلانىستى، ۇيىمداستىرۋ ماسەلەلەرىن جانە دەلەگات وكىلدەرىنىڭ نورماسىن بەكىتۋ ءۇشىن پرەزيديۋم الداعى سەنبى كۇنىنە، 13 ساۋىرگە، پارتيانىڭ ورتالىق كەڭەسىنىڭ پلەنۋمىن شاقىرۋدى بەكىتتى.

Abai.kz