ەلباسى ن.نازارباەۆ وتكەن جىلدىڭ ناۋرىز ايىندا “پرەزيدەنتتىڭ بەس الەۋمەتتىك باستاماسى” اتتى قازاقستان حالقىنا ۇندەۋ جولداعان بولاتىن. ۇندەۋدءىڭ ءتورتىنشى تارماعىندا - شاعىن نەسيە بەرۋدى كوبەيتۋ تۋرالى ايتىلعان. ياعني،  وزىن-ءوزى ەڭبەكپەن قامتىعان جانە جۇمىسسىز تۇرعىنداردىڭ اراسىندا جاپپاي كاسىپكەرلىكتى دامىتۋ ءۇشىن اتقارىلىپ جاتقان جۇمىستار اياسىندا جەڭىلدەتىلگەن نەسيە بەرۋ قاراستىرىلعان.

كەشە ەلباسى نۇرسۇلتان نازارباەۆ ۇكىمەتتىڭ كەڭەيتىلگەن وتىرىسىنا قاتىستى. پرەزيدەنتتىڭ ايتۋىنشا، بىلتىر ەكونوميكانىڭ ءوسىمى 4% تەن اسقان. جالپى، كورسەتكىش الدىڭعى جىلمەن سالىستىرعاندا 7,6% ارتقان.

ماسەلەن، «بيزنەستىڭ جول كارتاسى-2020» باعدارلاماسى بويىنشا وسى كۇنگە دەيىن 2600 جوبا جۇزەگە اسقان. ولارعا بولىنگەن قاراجات كولەمى 46 ملرد تەڭگەگە جۋىقتايدى. 20 مىڭ كاسىپكەر بىلىكتىلىكتەرىن ارتتىرعان. وسىنىڭ ەسەبىنەن، شاعىن جانە ورتا بيزنەستىڭ ەكونوميكاداعى ۇلەسى 29% قۇراپتى.

سونداي-اق، وتكەن جىلى قالالاردا ميكروكرەديتتەۋگە 13,9 ملرد تگ ءبولىندى. وسىلايشا قالا مەن مونوقالالاردا 1311 جوبا قارجىلاندىرىلعان. ەگەر كەپىلدىك جەتكىلىكسىز بولعان جاعدايدا، كاسىپكەرلەرگە ميكروكرەديتتى 85 پايىزعا دەيىن كەپىلدەندىرۋ ۇسىنىلادى.

وسىلايشا بىلتىر 2,8 ملرد تگ سوماسىندا 484 كەپىلدىك كەلىسىمشارتى جاسالعان. ال بيىل قالالار مەن مونوقالالاردا كاسىپكەرلەرگە 2000 شاعىن نەسيە بەرۋ جوسپارلانىپ وتىرعان كورىنەدى.

ماسەلەن، 2017 جىلى جالپى سوماسى 32 ميلليارد تەڭگە بولاتىن 7200 شاعىن نەسيە بەرىلگەن. ال، 2018 جىلى قوسىمشا 20 ميلليارد تەڭگە ءبولىپ، شاعىن نەسيەلەردىڭ جالپى سوماسىن 62 ميلليارد تەڭگەگە جەتكىزۋ مىندەتتەلدى. ناتيجەسىندە، شاعىن نەسيە الاتىنداردىڭ سانى 2017 جىلمەن سالىستىرعاندا 2 ەسەگە ارتىپ، 14 مىڭ ادامعا جەتكىزۋ كوزدەلىپ وتىر.

بۇل باستاما مىڭداعان ادامنىڭ ءوز ءىسىن اشۋعا مۇمكىندىك بەرەدى.

Abai.kz