ماڭعىستاۋدا اتىلىپ جاتقان مۇنايدى جاماندىققا جورىپ جاتىر.

اي، قازاقتار!
ول جاي عانا نەفتەگازوۆوداپروياۆلەنيە.

مەنىڭ نەگىزگى ماماندىعىم - مۇنايشى ينجەنەر تەحنولوگ. مۇنايدىڭ وسىلاي اتىلۋى جەر استىندا تۋىندايتىن قىسىمنان (پودزەمنوە داۆلەنيە) تۋىندايتىن تابيعي جاعداي. قىزىلوردادا كوزىمىزبەن كورەتىن ەدىك. قىسىم كەيدە 180 اتموسفەراعا جەتەدى. بۇل وتە جوعارى دارەجەدەگى قىسىم. جەر استىندا تەمپەراتۋرا مەن ءجۇز مىڭداعان توننا جىنىستاردىڭ سالماعىن تاعى قوسىڭىز. مۇناي كوللەكتورلارى قىسىم مەن تەمپەراتۋرانىڭ ىقپالىمەن كەيبىر ۇڭعىمانىڭ ەكسپلۋاتاتسيالىق كولوننالارىن جانە ساعا جابدىعىن جارىپ جىبەرەدى. كۇشتى قىسىمنان پرەۆەنتور ۇستاماي قالادى. سوندا كەيبىر ۇڭعىمالار اي بويى اتىلىپ، بۇرعىلاۋ قوندىرعىلارىن جەر استى جىنىسىمەن جاۋىپ تاستايدى.

ال گازدىڭ وسىلاي شىققانى وتە قاۋىپتى بولادى. ورتكە ۇلاسسا ءسوندىرۋ تىم قيىنعا سوعىپ، بۇرعىلاۋ قوندىرعىلارىن كۇل قىلادى. تەحنيكالاردى ول جەردە امان الىپ قالۋ مۇمكىن ەمەس. قىسىممەن ۇرلەنگەن وتتىڭ بويى كوككە ۇزاق قاشىقتىققا بوي الادى. مۇنىڭ ءبارى تابيعي جاعداي. قاتەلىككە بوي الدىرماي، تەحنيكا قاۋىپسىزدىگىنە مۇقيات قاراۋ كەرەك.

مىناۋ سۋرەتتە كورىپ وتىرسىز با، پرەۆەنتور گاز بەن جەر استىنداعى قىسىمنىڭ كۇشىن ۇستاي الماي، جارىلىپ كەتكەن. اناۋ اپپاق بولىپ شىققان سۋدىڭ كۇشى قارسى الدىنداعى ادام تۇگىلى كەز كەلگەن تەحنيكانى قۇستاي ۇشىرادى. جۇزدەگەن مەترلەرگە بارادى بيىكتىگى. سوندىقتان قازاقتار، ىرىمعا جوري بەرمەڭىزدەر!

بەكبولات قارجاننىڭ facebook پاراقشاسىنان

Abai.kz