بقو اكىمى التاي كولگىنوۆتىڭ حالىققا ەسەپ بەرۋ جيىنى بولاتىن عيماراتقا ساعات 9.50-دە بارىپ ەدىم، مەنى ەكى ءىىد قىزمەتكەرى ىشكە كىرگىزبەي پوليتسياعا الىپ كەتتى. ءىىب اپارعانداعى سۇراقتارى دا ءبىر ءتۇرلى.

- قالا اكىمىنىڭ ەسەپ بەرۋ جينالىسىنداعى ۋن سايتىنىڭ ۆيدەوسىن قايدان الدىڭىز؟ ۆيدەوداعى كىسىلەر كىمدەر؟ كىم ءتۇسىردى ۆيدەونى؟

- مەن ول كۇنى اتىراۋدا بولدىم. ۆيدەونى "ۋن نەدەليا" سايتىنان الدىم. ۆيدەوداعى ادامداردى تانىمايمىن.

- كىممەن تۇراسىز؟

- ايەلىممەن جانە قىزىممەن.

- باسقا قانداي الەۋمەتتىك جەلىدە وتىراسىز؟

- ۆكونتاكتىدە ق.نۇرتاستىڭ ولەڭىن تىڭدايمىن. ينستاگرامنان كريشتيانۋ رونالدونىڭ جانە ت.ب. انشىلەردىڭ سۇگىرەتىن قارايمىن.

- قانداي پارتياداسىز؟

- ەشبىر پارتيا مەن ۇيىمدا جوقپىن.

بار بولعانى وسى. بۇل سۇراقتاردى باسقا ۋاقىتتا قويماي، ءدال اكىم ەسەپ بەرەتىن كۇنىنە ورايلاستىرۋدىڭ استارىندا نە جاتىر، مەنى اكىم ەسەپ بەرەتىن عيماراتتىڭ الدىنان الىپ كەتەتىندەي نە باستارىنا كۇن تۋدى؟

مەنىڭ ويىمشا، التايدىڭ ەسەپ بەرۋى اكىمنىڭ ءوزى قالاعان ستسەناري بويىنشا ءوتتى. ەشكىمگە ەشتەڭە ايتۋعا مۇمكىندىك بەرىلمەدى. سوندا ەسەپ بەرۋ كىم ءۇشىن ءوتتى؟ مەن ءوز اۋىلىم تۋرالى ەكى سۇراق قويماق ەدىم. سول ەكى سۇراقتان قاشاتىن كوزبوياۋشىلىقتىڭ نە كەرەگى بار؟

اكىمنىڭ ءھام اكىمشىلىكتەردىڭ بۇل ءىسى حالىقتى اشىندىرارى حاق. ەگەر حالىق مۇڭى مەن ماسەلەسىن اكىمگە ايتا الماسا، ونداي ەسەپتىڭ كىمگە قاجەتى بار.

ايبولات بوكەنوۆ

Abai.kz