سaravan.kz سايتىندا «زاچەم كازاحي مەنيايۋت فاميلي؟» (https://www.caravan.kz/gazeta/zachem-kazakhi-menyayut-familii-512135/) اتتى سويقان ماقالا شىقتى. اۆتورى ورىس ءتىلدى ءوز قاراكوزىمىز اديل ۋرمانوۆ. رەداكتسيانىڭ العا قويعان ماقساتى جاندى جەرىمىزدەن ۇستاپ، قازاقتى قازاققا قارسى قويۋ. جەتى اتاسىن قادىر تۇتاتىن الاش بالاسىنىڭ باتىس ۇردىسىندەگى «فاميلياعا» پىسقىرىپ قارامايتىنى كەيبىرەۋلەردىڭ جىنىنا تيەتىنى اڭعارىلادى.

اۆتوردىڭ اقىلى اسقانى سونداي «وۆ» بولىپ جۇرگەن كەزىمىز زور جەتىستىك، ال، «وۆسىزدىق» كەرى كەتكەندىك دەگەنگە سايادى. ءارى ۇلىنىڭ اتا تەگىن قازاقشالاعان دوسىنا يبرايموۆ دەگەن فاميليالارىڭ ۇمىتىلىپ، نەمەرە-شوبەرلەرىڭ باۋىرلاس تۋىستارىڭمەن جات بولىپ كەتەدى دەپ كولگىرسيدى.

اسقان بايقامپاز اۆتور «ەششە ودنو نابليۋدەنيە. سرەدي كرۋپنىح بيزنەسمەنوۆ پراكتيچەسكي نەت ليۋدەي، كوتورىە رەالنو پومەنيالي سۆوي فاميلي پو ناتسيونالنىم تراديتسيام. بولەە توگو، پوچتي ۆسە وني سوحرانيلي رۋسسكيە وكونچانيا -وۆ ي –ەۆ» دەپ جاڭالىق اشادى.

اديل ۋرمانوۆتىڭ تۇجىرىمداۋىنشا ەلىمىزدەگى تەگىن اۋىستىراتىندار مادەنيەت وكىلدەرى، ءدىن يەلەرى مەن شەنەۋىنىكتەر ەكەن. ويتكەنى، ولاردىڭ سانى كوپ قاۋىمعا جاقىنداسۋى ءۇشىن وسىلاي ىستەۋگە امالدارى قالماپتى. ءارى شەنەۋىنىكتەر سالىقتان قاشىپ وسىنداي قادامعا بارىپ وتىر-مىس...

ولارعا اۆتور مىنانداي ءوز تۇجىرىم جاسايدى: «زاچەم ۆى پومەنيالي فاميليۋ؟ وت كوگو پرياچەتەس؟»

ءسوز سوڭىندا وسى تەكتەس شۋ 2017 جىلى شىققان بولاتىن، وندا ورىس جىگىتى الەكساندر كلياتسكوعا تۇرمىسقا شىققان تالدىكورعاندىق قاراكوز قىزىمىز كۇرالاي سليامجانقىزى ماريام اتتى سابيىنە الەكساندروۆا فاميليالىسىن  بەرە الماي ءبىراز دۇربەلەڭ تۋعىزعان ەدى (https://yvision.kz/post/772623). بۇل ەندى ورىستاردىڭ فاميلياعا جابىسىپ قالعان ءداستۇرىن ەشكىم بۇزا المايدى دەگەن ۇعىم. ال، كەزەكەڭنىڭ تەگى ورىس شۋباسىنا سيمايدى. وسىنى يمپەريالىق كەۋدەمسوقتىقتى ۇستانعاندار ۇققىسى دا كەلمەيدى. ۇقتىرۋعا تىرىستاتىن بيلىكتەن ەش قايىر بولماي وتىر. سوندىقتان قورلانعان قازاق قورلانا تۇسۋدە. اقپاراتتىق سوعىستىڭ مىلتىقسىز مايداندا قازاق مۇددەسىنە جاسالعان شابىلۋدىڭ ءىرى ۇساعى جوق.

ءابىل-سەرىك الياكپار

Abai.kz