ەلوردادا پوليتسيا، جەدەل جاردەم جانە توتەنشە جاعدايلارداعى قىزمەتتەردىڭ نومىرلەرى ءبىر نومىرلەرگە بىرىكتىرىلەدى. بۇل تۋرالى وكق-دا وتكەن ءباسپاسوز ءماسليحاتىندا استانا قالاسى اكىمدىگىنە قاراستى iKomek قالالىق ورتالىعىنىڭ اكىمشىلىك قارجىلىق دەپارتامەنت ديرەكتورى اقان نۇرعوجين ءمالىم ەتتى.

وكق-دا وتكەن ءباسپاسوز ءماسلتحاتىندا iKomek ورتالىعىنىڭ باسشىسى ءجاننات ءدۇبىروۆا ورتالىق 2018 جىلدىڭ قاڭتار ايىندا قۇرىلىپ، بارلىق كوممۋنالدىق قىزمەتتەردىڭ جانە قالالىق باسقارمالاردىڭ، اتاپ ايتقاندا 4 اۋداندىق اكىمدىكتىڭ، 17 قالالىق اكىمدىك باسقارمالارىنىڭ، 33 كوممۋنالدىق جانە اپاتتىق قىزمەتتەرىنىڭ، 81 ليفت شارۋاشىلىقتارىنىڭ ءنومىرىن 1-0-9 نومىرىنە بىرىكتىرگەنىن اتاپ ءوتتى.

«استانالىقتار بايلانىس ورتالىعىنىڭ تيىمدىلىگىنە كوز جەتكىزىپ، وسى قىزمەتتى بەلسەندى تۇردە پايدالانادى. سونداي-اق، ەلوردانىڭ تىنىس-تىرشىلىگىنىڭ بارلىق ماسەلەلەرى بويىنشا ءوز وتىنىشتەرىن، ۇسىنىستارى مەن شاعىمدارىن تاۋلىك بويى جولداپ وتىرادى»، - دەدى ول.

ءوز كەزەگىندە تىلشىلەردىڭ سۇراعىنا جاۋاپ بەرگەن iKomek قالالىق ورتالىعىنىڭ اكىمشىلىك قارجىلىق دەپارتامەنت ديرەكتورى اقان نۇرعوجين الداعى وزگەرىستەر تۋرالى ايتىپ بەردى.

«ادام ومىرىنە قاۋىپتى جاعدايلار بويىنشا 101, 102, 103 جانە 112 ءنومىرى بار. وسى بارلىق نومىرلەردى الداعى ۋاقىتتا استانا جانە بارلىق ەلدى مەكەندەردى 112 نومىرىنە بىرىكتىرۋ جوسپارلانىپ وتىر. مەرزىم بويىنشا وسى جىلدىڭ ەكىنشى توقسانىندا بۇل جۇمىس ىسكە اسىرىلادى دەپ كۇتىلىپ وتىر. ءارتۇرلى اپاتتى جاعدايدا دا وسى قىزمەتتەردىڭ ءبارى ۇيلەستىرىلىپ، بارلىق قىزمەت ءبىر ءنومىر ارقىلى كورسەتىلەتىن بولادى»، - دەدى اقان نۇرعوجين.

دەرەككوز: قازاقپارات

Abai.kz