استانا. 5 مامىر. قازاقپارات /قانات مامەتقازىۇلى/ - بۇگىن قر پارلامەنتى سەناتىنىڭ جالپى وتىرىسىنىڭ سەناتور قۋانىش سۇلتانوۆ ۇكىمەت باسشىسىنىڭ اتىنا ساۋال جولدادى.

وندا دەپۋتات قازاقتىڭ ارداقتى ءبىرتۋار ازاماتى وزبەكالى جانىبەكوۆتىڭ تۋعانىنا 80 جىل تولۋىنا بايلانىستى مەرەيتويدى ءوز دەڭگەيىندە اتاپ ءوتۋ ماسەلەسىن كوتەردى.

استانا. 5 مامىر. قازاقپارات /قانات مامەتقازىۇلى/ - بۇگىن قر پارلامەنتى سەناتىنىڭ جالپى وتىرىسىنىڭ سەناتور قۋانىش سۇلتانوۆ ۇكىمەت باسشىسىنىڭ اتىنا ساۋال جولدادى.

وندا دەپۋتات قازاقتىڭ ارداقتى ءبىرتۋار ازاماتى وزبەكالى جانىبەكوۆتىڭ تۋعانىنا 80 جىل تولۋىنا بايلانىستى مەرەيتويدى ءوز دەڭگەيىندە اتاپ ءوتۋ ماسەلەسىن كوتەردى.

«بيىل كورنەكتى مەملەكەت، قوعام جانە مادەنيەت قايراتكەرى، عالىم ەتنوگراف، تاريحشى، ۇلتىمىزدىڭ ۇيىتقىسىنا اينالعان، قازاقتىڭ ارداقتى ءبىرتۋار ازاماتى وزبەكالى جانىبەكوۆتىڭ تۋعانىنا 80 جىل تولادى. وزبەكالى جانىبەكوۆتىڭ كىم ەكەندىگىن، ونىڭ ءوز وتانىنا، ۇلتىنا، حالقىنا، اسىرەسە، ۇلتتىق مادەنيەتىمىزگە سىڭىرگەن قاجىرلى ەڭبەگىن سىزگە ايتىپ جاتۋدىڭ ءوزى ارتىق بولار. بىراق، بۇگىنگى قوعامعا، اسىرەسە كەلەشەك ۇرپاققا ءو.جانىبەكوۆتىڭ ۇلت تاعدىرى ءۇشىن جاساعان يگىلىكتى ىستەرىن، تۋعان حالقىنىڭ كەلەشەگىنە دەگەن قامقورلىعىن، وتانىنا سۇيىسپەنشىلىگىن، ازاماتتىق بولمىسىن جاستاردىڭ ساناسىنا جەتكىزۋ، ونىڭ تاريحي تۇلعالىعىن ماراپاتتاۋ قاجەت-اق. بۇل ماسەلەلەر باق-تاردا كوتەرىلىپ، ءارتۇرلى مادەنيەت قايراتكەرلەرى پىكىرلەرىن ايتىپ ءجۇر. وسى ورايدا، ءو.جانىبەكوۆتىڭ 80 جىلدىق مەرەيتويىن ءوز دەڭگەيىندە وتكىزۋ ماقساتىندا ارنايى تۇلعاتانۋ شارالارى ۇيىمداستىرىلسا يگى»، - دەدى سەناتور. وسى رەتتە ق. سۇلتانوۆ، اتالعان شاراعا ۇكىمەت تاراپىنان ءمان بەرىلۋى، استانا مەن تۋعان جەرى - وتىراردا ارنايى عىلىمي-تاجىريبەلىك كونفەرەنتسيا ۇيىمداستىرىلۋى كەرەكتىگىن دە اتاپ ءوتتى. «سونىمەن قاتار ءو.جانىبەكوۆتىڭ شىعارماشىلىق مۇراسىن جۇيەلەپ، جيناعىن جارىققا شىعارۋ، ول تۋرالى ەستەلىك كىتاپ شىعارۋ جۇزەگە اسىرىلسا يگى بولار ەدى»، - دەدى ول.