استانا. 5 مامىر. قازاقپارات - قازاقستان رەسپۋبليكاسى جوعارعى سوتىنىڭ توراعاسى بەكتاس بەكنازاروۆ قىزمەتىنە كىرىسكەلى بەرى العاشقى رەت ازاماتتاردى قابىلداۋ كۇنىن وتكىزدى،دەپ حابارلادى قر جوعارعى سوتىنىڭ  ءباسپاسوز  قىزمەتى.

بۇل جولى جاڭا توراعانىڭ الدىنا شارۋاسىن ايتىپ كەلۋشىلەر استانا، الماتى قالالارى، وڭتۇستىك قازاقستان، اقمولا، جامبىل، اتىراۋ وبلىستارى جانە باسقا دا  وڭىرلەردەن جينالعان. بەكتاس بەكنازاروۆ ۋاقىتقا شەكتەۋ قويماي، ەشكىمنىڭ ءسوزىن بولمەي، ءۇمىت ارتىپ كەلگەن بارلىق ازاماتتاردىڭ ارىز-شاعىم، ۇسىنىس-پىكىرلەرىن وزدەرى قالاعان تىلدە مۇقيات تىڭدادى. وسىلايشا 27 اداممەن وتكەن جەكە جۇزدەسۋ 7 ساعاتقا سوزىلدى.

استانا. 5 مامىر. قازاقپارات - قازاقستان رەسپۋبليكاسى جوعارعى سوتىنىڭ توراعاسى بەكتاس بەكنازاروۆ قىزمەتىنە كىرىسكەلى بەرى العاشقى رەت ازاماتتاردى قابىلداۋ كۇنىن وتكىزدى،دەپ حابارلادى قر جوعارعى سوتىنىڭ  ءباسپاسوز  قىزمەتى.

بۇل جولى جاڭا توراعانىڭ الدىنا شارۋاسىن ايتىپ كەلۋشىلەر استانا، الماتى قالالارى، وڭتۇستىك قازاقستان، اقمولا، جامبىل، اتىراۋ وبلىستارى جانە باسقا دا  وڭىرلەردەن جينالعان. بەكتاس بەكنازاروۆ ۋاقىتقا شەكتەۋ قويماي، ەشكىمنىڭ ءسوزىن بولمەي، ءۇمىت ارتىپ كەلگەن بارلىق ازاماتتاردىڭ ارىز-شاعىم، ۇسىنىس-پىكىرلەرىن وزدەرى قالاعان تىلدە مۇقيات تىڭدادى. وسىلايشا 27 اداممەن وتكەن جەكە جۇزدەسۋ 7 ساعاتقا سوزىلدى.

شاعىم ايتىپ كەلۋشىلەردىڭ ماسەلەلەرى نەگىزىنەن جەر داۋى، باسپانا الۋ ماشاقاتى، الاشاق پەن بەرەشەك تۋراسىندا بولدى. ماسەلەن، الماتىلىق مايرا كەتپەنوۆا جول اپاتىنان كوز جۇمعان اپكە-جەزدەسىنىڭ بالالارىن قوسقاندا جەتى بالا اسىراپ وتىرعان انا. باسپاناسىن ساتىپ كەڭىرەك پاتەر الماق بولعان ول 35 مىڭ اقش دوللارىن الاياقتارعا بەرىپ، اقىرى الدانىپ قالعان. ەندى بالا-شاعاسىمەن دالادا قالاتىن ءتۇرى بار. جامبىلدىق مينيۋرا قۇلىمباەۆانىڭ دا پاتەر الام دەپ ءجۇرىپ باسى داۋعا قالعان. ول باسپانا الىپ بەرەم دەپ ۋادە ەتكەن ادامدارعا 70 مىڭ اقش دوللارىن بەرىپتى. كەيىن نە ءۇيدىڭ، نە قاراجاتتىڭ قاراسى كورىنبەي بارا جاتقان سوڭ ۇلى رۋسلان اينەكوۆ اقشانى العان ادامداردان ءىستىڭ ءمان-جايىن سۇراپ بارعان. اڭگىمەنىڭ ارتى ۇرىس-كەرىسكە ۇلاسىپ، اقىرى رۋسلان اينەكوۆكە الىمجەتتىك كورسەتتى دەگەن ايىپ تاعىلىپ 8 جىلعا سوتتالعان. كەيىن ونىڭ مەرزىمى 3 جىلعا قىسقارتىلىپتى. وسى كۇندە رۋسلان اينەكوۆ جازاسىن تولىق وتەپ شىقتى. اناسى مينيۋرا قۇلىمباەۆانىڭ ەندىگى ماقساتى جاس جىگىتتىڭ تاعدىرىنا داق تۇسىرگەن سول اقشانى ءوندىرىپ الۋ.

وسى سەكىلدى جايتتاردىڭ بارلىعىن زەيىن قويىپ تىڭداعان جوعارعى سوت توراعاسى ءاربىر ءىس ءوزىنىڭ جەكە باقىلاۋىندا بولاتىنىن جانە اياقسىز قالمايتىنىن جينالعانداردىڭ نازارىنا سالدى. سونىمەن قاتار بارلىق ىستەردىڭ تىياناقتى زەرتتەلەتىنىن جانە قورىتىندىسى تۋرالى بارلىق شاعىم ايتۋشىلارعا جاۋاپ قايتارىلاتىنىن ايتتى.

كەزدەسۋ بارىسىندا سۋديالاردىڭ، سوت قىزمەتكەرلەرىنىڭ جۇمىسى تۋرالى دا ءسوز قوزعالدى. توراعا ول جونىندە جوعارعى سوتتاعى جانە جەرگىلىكتى سوتتارداعى جاۋاپتى ادامدارعا ناقتى تاپسىرما بەردى. ەكى تىلدە ەركىن اڭگىمە قۇرعان توراعانىڭ ىقىلاسىنا قابىلداۋدا بولعان  جاندار ريزا بولىپ تارقاستى.

«ەندى مۇنداي كەزدەسۋلەر الداعى ۋاقىتتا جۇيەلى تۇردە ءوتىپ تۇراتىن بولادى»، - دەپ اتاپ ءوتتى ءباسپاسوز قىزمەتى.