"قازجول" قوناق ءۇيىنىڭ كونفەرەنتس-زالىندا بالالاردىڭ قۇقىقتارىن قورعاۋ كوميتەتى (بۇدان ءارى - كوميتەت) توراعاسىنىڭ ورىنباسارى م. س. ابدىكارىمنىڭ توراعالىعىمەن كوميتەت جانە "ساندج" زەرتتەۋ ورتالىعىنىڭ ۇيىمداستىرۋىمەن قازاقستان رەسپۋبليكاسىنداعى بالالاردىڭ ءال-اۋقات يندەكسىن ازىرلەۋ جانە ەنگىزۋ بويىنشا دوڭگەلەك ۇستەل ءوتتى، - دەپ حابارلايدى اباي-اقپارات

دوڭگەلەك ۇستەل جۇمىسىنا مۇددەلى مەملەكەتتىك ورگانداردىڭ، جەرگىلىكتى اتقارۋشى ورگانداردىڭ، ۇكىمەتتىك ەمەس سەكتوردىڭ جانە حالىقارالىق ۇيىمداردىڭ وكىلدەرى قاتىستى.

دوڭگەلەك ۇستەل اياسىندا "ساندج" زەرتتەۋ ورتالىعىنىڭ وكىلدەرى حالىقارالىق تاجىريبەنى، ەسەپتەۋ ادىستەمەسىن جانە ونى ەلدە ولشەۋ قاجەتتىگىن كورسەتتى.

قازاقستانداعى بۇۇ بالالار قورىنىڭ (يۋنيسەف) بالا قۇقىقتارىن مونيتورينگىلەۋ جونىندەگى كەڭەسشىسى ج. ن. ساعىمباەۆا جەرگىلىكتى دەڭگەيدە بالالاردىڭ ءال-اۋقاتىنىڭ مونيتورينگى جۇيەسىن قولدانۋ مۇمكىندىكتەرى تۋرالى باياندادى (ماڭعىستاۋ وبلىسى مىسالىندا).

سونداي-اق دوڭگەلەك ۇستەلدە يندەكستى ولشەۋ ادىستەمەسى مەن ەنگىزۋدىڭ بولجامدى كەزەڭدەرى تالقىلاندى.

دوڭگەلەك ۇستەل بالالاردىڭ ءال-اۋقات يندەكسىنىڭ تۇساۋكەسەرلەرىن كونسترۋكتيۆتى تالقىلاۋمەن اياقتالدى.

توراعانىڭ ورىنباسارى اتاپ وتكەندەي، يندەكستىڭ كورسەتكىشتەرى دوڭگەلەك ۇستەلگە قاتىسۋشىلار تاراپىنان وزگەرتۋلەر مەن تولىقتىرۋلار ەنگىزىلگەندە پىسىقتالادى.

دوڭگەلەك ۇستەل قورىتىندىسى بويىنشا "ساندج" زەرتتەۋ ورتالىعىنىڭ قىزمەتكەرلەرى بارلىق قاتىسۋشىلارعا بالالاردىڭ ءال-اۋقاتى يندەكسىن ەسەپتەۋ ادىستەمەسى، كورسەتكىشتەردى ىرىكتەۋ پرينتسيپتەرى مەن ادىستەرى بويىنشا سەمينار وتكىزدى.

Abai.kz