بۇگىن قر پارلامەنتى سەناتىنىڭ دەپۋتاتى، قر-داعى بالا قۇقىقتارى جونىندەگى ۋاكىل ساۋلە ايتپاەۆا اتىراۋ، ماڭعىستاۋ، قىزىلوردا جانە اقمولا وبلىستارىنىڭ ازاماتتارىن بالالاردىڭ قۇقىقتارى مەن زاڭدى مۇددەلەرىن قورعاۋ ماسەلەلەرى بويىنشا ۆيدەوكونفەرەنتس بايلانىس تارتىبىندە قابىلداۋ وتكىزدى. بۇل تۋرالى Abai.kz اقپاراتتىق پورتالى حابارلايدى.

سەناتوردىڭ توراعالىعىمەن وتكەن ازاماتتاردى قابىلداۋعا ءبىلىم جانە عىلىم، ەڭبەك جانە حالىقتى الەۋمەتتىك قورعاۋ، ىشكى ىستەر، قوعامدىق دامۋ، دەنساۋلىق ساقتاۋ مينيسترلىكتەرىنىڭ وكىلدەرى سونداي-اق جەرگىلىكتى اتقارۋشى ورگانداردىڭ وكىلدەرى اكىم ورىنباسارلارى، ءبىلىم، دەنساۋلىق ساقتاۋ، الەۋمەتتىك قورعاۋ، ىشكى ىستەر باسقارمالارىنىڭ باسشىلارى، ۇكىمەتتىك ەمەس ۇيىمدار قاتىستى.

قر-داعى بالا قۇقىقتارى جونىندەگى ۋاكىلدىڭ قابىلداۋىندا 20-دان استام ازاماتتاردىڭ بالالاردىڭ قۇقىقتارى مەن زاڭدى مۇددەلەرىن قورعاۋ ماسەلەلەرىنە كومەك كورسەتۋ جونىندەگى وتىنىشتەرىن قاراستىرىلدى.

بالالاردىڭ ساپالى ءبىلىم الۋ قۇقىعى، اتا-اناسىنىڭ قامقورلىعىنسىز قالعان بالالارعا قامقورلىق جانە قورعانشىلىق ورناتۋ، دەنساۋلىق ساقتاۋعا قۇقىعى، بالالار ءۇيىنىڭ تۇلەكتەرىن تۇرعىن ۇيمەن قامتاماسىز ەتۋ، اتا-اناسىنىڭ اجىراسۋىنداعى بالالاردىڭ تۇرعىلىقتى جەرىن انىقتاۋ جانە ولارمەن قارىم-قاتىناس جاساۋ ءتارتىبى جانە ت. ب. وزەكتى ماسەلەلەر اسا وتكىر تالقىلاندى.

ازاماتتاردىڭ بارلىق وتىنىشتەرىن قر بالا قۇقىقتارى جونىندەگى ۋاكىل مۇددەلى ورگاندارمەن بىرلەسە وتىرىپ وڭ شەشتى.

سونىمەن قاتار، قىزىلوردا جانە ماڭعىستاۋ وبلىسىنىڭ اكىمدىكتەرىنە ءۇش ءوتىنىش بەرۋشىگە  زاڭ جونىندە، وڭالتۋ جانە گۋمانيتارلىق كەڭەس كورسەتۋ ماسەلەلەرى بويىنشا قاجەتتى كومەك كورسەتۋدى ۇسىندى.

قر-داعى بالا قۇقىقتارى جونىندەگى ۋاكىل س.م.ايتپاەۆا  ۆيدەوكونفەرەنتس بايلانىس بارىسىندا جەرگىلىكتى اتقارۋشى ورگانداردىڭ نازارىن حالىق اراسىندا قاجەتتى اقپاراتتىق-تۇسىندىرمە جۇمىستارىن وتكىزۋگە، مەديتسينالىق كومەك كورسەتۋ، بالالاردىڭ قۇقىقتارىن قورعاۋ جانە وتباسىلىق پروبلەمالاردىڭ ايقىندىعى ماسەلەلەرىنە ەرەكشە اۋداردى.

Abai.kz