ەلباسى ن.نازارباەۆ “قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ” اتتى قازاقستان حالقىنا ارناعان جولداۋىندا وڭىرلەردەگى زاۋىت-فابريكالاردىڭ جۇمىسىن جانداندىرۋ قاجەتتىگىن ايتقان بولاتىن. وسىعان سايكەس، وڭىرلەردە تۇتىنۋشىلاردىڭ سەنىمىنە يە بولىپ، ساپالى تاۋارلار شىعارىپ جاتقان كاسىپورىندار از ەمەس.

بۇگىندە ەكولوگيالىق تازا ونىمدەردى ءوندىرۋ ۇلكەن الەۋمەتتىك ماڭىزعا يە.تۇلكىباس اۋدانىندا تابيعي شىرىن شىعاراتىن 5 كاسىپورىن اشىلادى.بيىلعى جىلدىڭ وزىندە جالپى قۇنى 897 ميلليون تەڭگەنى قۇرايتىن 3 كاسىپورىن ىسكە قوسىلدى.

تاعامدىق قۇندىلىعى جوعارى جەمىس شىرىنى- ادام دەنساۋلىعىنا  پايدالى. بۇل تابيعي تازا ونىمدەر نارىقتا جوعارى سۇرانىسقا يە.بيىلدان باستاپ ىسكە قوسىلعان 3 كاسىپورىن مينەرالدى جانە تابيعي  شىرىندار شىعارادى. مۇندا  87 ازامات جۇمىسپەن قامتىلدى.

ەربول بالقىبەكوۆ «جازعى ءان» جشس- ديرەكتورىنىڭ ورىنباسارى

ءبىزدىڭ نەگىزگى تۇتىنۋشىمىز الماتىداعى سمول جانە ماگنۋم سول سياقتى ساۋدا ورتالىقتارىمەن جۇمىس ىستەيمىز. ءبىزدىڭ شىرىنننىڭ ەڭ ءبىرىنشى ورىندا تۇرعانى ساپاسى جوعارى. ويتكەنى ءبىز ەڭ تازا ءونىمدى وندىرەمىز.تۇلكىباس اۋدانىنىڭ شيكىزاتىنىڭ ءوزى وتە جوعارى ساپادا. بيىل ءبىز قياردىڭ 60 پايىزىن وسى تۇلكىباستان الدىق.

تۇلكىباس كەنتىندەگى «جازعى ءان» جاۋاپكەرشىلىگى شەكتەۋلى سەرىكتەستىگى جەمىس-جيدەك جانە كوكونىس ونىمدەرىن وڭدەيدى. جۇمىس ىستەي باستاعانىنا   2 جىل بولعان كاسىپورىن  8 ءتۇرلى جەمىس شىرىنىن شىعارادى.قۋاتى ءبىر اۋىسىمدا 10 مىڭ قۇتى جەمىس شىرىنىن شىعارۋعا جەتەدى. كەرەيت اۋىلىنداعى «ارسەن اس» كاسىپورنى دا تابىستى.ولار زاماناۋي قۇرىلعىلار ارقىلى 250 توننا قۇنارلاندىرىلعان شىرىن سۋسىندارىن شىعاردى.

گۇلنار تەلىباەۆا -تەحنولوگ

وسى كۇنگە دەيىن 2 مىڭ توننادان استام الما قابىلدادىق.250 توننا قۇنارلاندىرىلعان الما شىرىندارىن توڭدەپ شىعاردىق.ساعاتىنا 5 مىڭ توننا ءونىم وندىرەتىن تەحنولوگياسى بار.قۇنارلاندىرىلعان شىرىنداردى وڭدەپ 220 كيلوگرامدىق بوشكەلەرگە قۇيامىز.تسەحتا 7 ءتۇرلى سۋسىن دايىندايمىز.سولاردىڭ ىشىندە الما شىرىنى ءوزىمىزدىڭ وتاندىق ءونىم.

اۋدانداعى يندۋستريالدى ايماقتا الداعى ۋاقىتتا تاعى 5 كاسىپورىندى ىسكە قوسۋ جوسپارلانىپ وتىر.تابيعي تازا وتاندىق ءونىمدى تۇتىنۋ ءۇشىن الما،المۇرت،ءجۇزىم ەگۋ قايتا قولعا الىنباق.ودان جينالعان ونىمدەردەن تابيعي سۋسىن شىعارۋدى تۇلكىباستىق كاسىپكەرلەر قىزىعۋشىلىق تانىتىپ وتىر.

س.قۇتتىبايۇلى 

Abai.kz