ەلباسى نۇرسۇلتان نازارباەۆ “قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ” اتتى قازاقستان حالقىنا ارناعان جولداۋىندا ءبىلىم سالاسىن دامىتۋعدى، اتالعان سالاداعى جەمقورلىق ماسەلەسىمەن قارقىندى كۇرەسۋدى تاپسىرعان بولاتىن.

وسىعان وراي، تۇركىستان وبلىسندا قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ تۇركىستان وبلىسى بويىنشا دەپارتامەنتىنىڭ، ۇلتتىق بيۋرو دەپارتامەنتىنىڭ، سونداي-اق وبلىس اكىمدىگىنىڭ ۇيىمداستىرۋىمەن ءبىلىم بەرۋ سالاسىندا سىبايلاس جەمقورلىق دەڭگەيىن تومەندەتۋ ماسەلەلەرى تالقىلانعان جيىن وتكەن بولاتىن. وعان «نۇر وتان» پارتياسىنىڭ تۇركىستان وبلىستىق فيليالى توراعاسىنىڭ ءبىرىنشى ورىنباسارى ن.جولداسوۆ، وبلىستىق ءبىلىم باسقارماسىنىڭ جانە قالالىق، اۋداندىق ءبىلىم بولىمدەرىنىڭ باسشىلارى، قالا، اۋدان اكىمدەرىنىڭ ءبىلىم سالاسىنا جەتەكشىلىك ەتەتىن ورىنباسارلارى مەن وبلىستاعى بارلىق  ءبىلىم بەرۋ ۇيىمدارىنىڭ 1300 باسشىسى، سونداي-اق ارنايى مونيتورينگتىك توپ مۇشەلەرى قاتىستى.

ءىس شارانىڭ ماقساتى – ءبىلىم سالاسىنداعى سىبايلاس جەمقورلىق دەڭگەيىن تومەندەتۋ، اتا – انالاردان، وقىتۋشىلاردان زاڭسىز اقشا جيناۋدى توقتاتۋ ماسەلەلەرىن كەڭىنەن تالقىلاۋ.

وتىرىسقا توراعالىق ەتكەن وبلىس اكىمىنىڭ ورىنباسارى ۇ.سادىبەكوۆ وبلىستا ءبىلىم بەرۋ سالاسى سىبايلاس جەمقورلىق تاۋەكەلدەرى جوعارى سالا ەكەنى ەلباسى تاراپىنان سىنعا ىلىنگەنىن، ءبىلىم بەرۋ سالاسى جەمقورلىق كورىنىستەرى جوعارى دەڭگەيگە جەتىپ وتىرعانىن ايتىپ، ءبىلىم بەرۋ ۇيىمدارىنىڭ باسشىلارىنا جەمقورلىق تاۋەكەلدەرىن تومەندەتۋ باعىتىندا ناقتى شارالار قابىلداۋدى تاپسىردى.

كەزدەسۋدە ءسوز العان دەپارتامەنت باسشىسى ع.تۇرسىنباەۆ مەملەكەت تاراپىنان سىبايلاس جەمقورلىقتىڭ الدىن الۋ باعىتىندا جۇيەلى جۇمىستار جۇرگىزىلاپ جاتقانىنا قاراماستان ءبىلىم سالاسى ءالى دە بولسا جەمقورلىق دەڭگەيى جوعارى ەكەنىن اتاپ ءوتتى. وز بايانداماسىنىڭ سوڭىندا ءبىلىم بەرۋ سالاسىندا اشىقتىقتى قامتاماسىز ەتۋ جانە سىبايلاس جەمقورلىق دەڭگەيىن تومەندەتۋ باعىتىندا بىرقاتار ناقتى ۇسىنىستار ەنگىزدى. اتاپ ايتقاندا، ورتالىقتاندىرىلعان قارجىلاندىرۋ جۇيەلەرىن ەنگىزۋ، مۇعالىمدەردى جۇمىسقا قابىلداۋدى مەكتەپ ديرەكتورلارىنىڭ قۇزىرىنان الىپ، بۇل جۇمىسپەن تىكەلەي ەڭ الدىمەن قوعام مۇشەلەرىنەن ەنگىزىلگەن كونكۋرستىق كوميسسيا مۇشەلەرىنە بەرۋ، مۇعالىم لاۋازىمى ۇمىتكەرلەرى ءۇشىن تەستىلەۋ باعدارلاماسىن ازىرلەۋ، تەحنيكالىق قىزمەتكەرلەردى جۇمىسقا قابىلداۋدى اۋتسورسينگكە بەرۋ.

ماجىلىستە «نۇر وتان» پارتياسىنىڭ وبلىستىق فيليالى توراعاسىنىڭ ءبىرىنشى ورىنباسارى ن.م.جولداسوۆ، وبلىستىق ءبىلىم باسقارماسىنىڭ باسشىسى ي.ءو.ساعىندىقوۆ تاقىرىپتىق باعىتتا بايانداما جاسادى.

بۇعان قوسا نازارباەۆ زياتكەرلىك مەكتەبىنىڭ ديرەكتورى ب.م.قاسىموۆ مۇعالىمدەردى جۇمىسقا جانە وقۋشىلاردى مەكتەپكە قابىلداۋداعى اشىقتىقتى قامتاماسىز ەتۋ بويىنشا ءوز مەكتەبىندەگى تاجريبەمەن ءبولىستى.

جيىندا ۇلتتىق بيۋرو دەپارتامەنتى باسشىسىنىڭ ورىنباسارى ءا.جورابەكوۆ وسى سالادا ورىن العان قىلمىستار تۋرالى بايانداما جاساپ، سوڭىنان ۇستالعان مەكتەپ ديرەكتورلارىنا قاتىستى ۆيدەوتۇسىرىلىمدەر كورسەتتى.

جيىن سوڭىندا ۇ.سادىبەكوۆ قاتىسۋشىلارعا بۇگىنگى كەزدەسۋدەن قورىتىندى شىعارۋدى، كۇن تارتىبىندە قارالعان باستى ماسەلە سىبايلاس جەمقورلىق تاۋەكەلدەرىن تومەندەتۋ باعىتىندا ناقتى شارالار قابىلداۋدى تاپسىردى.

Abai.kz