استانا قالاسىنىڭ اكىمى باقىت سۇلتانوۆتىڭ نازارىنا!

استاناعا قار كوپ ءارى قالىڭ جاۋادى.
ارينە، "استانا تازالىق" اتتى مەكەمە قىس بويى قالا كوشەلەرى مەن مەكەمەلەردىڭ الدىن، تۇرعىن ۇيلەردىڭ اۋلاسىن تازارتىپ، قاردان ارشۋمەن اينالىسىپ كەلەدى.
دەگەنمەن،وسى جۇمىسقا استانا حالقىن جۇمىلدىرسا ارتىق بولماس ەدى.
سول ءۇشىن، بۇگىننەن باستاپ مەن اۋىت مۇقيبەك "قار كۇرەۋ ەستافەتاسىن" باستادىم.

بۇل جوبا -- بىرىنشىدەن، ەلباسى جولعا قويعان سالاۋاتتى ءومىر سالتىن قالىپتاستىرۋ تاپسىرماسىنىڭ ناقتى ىسپەن كورسەتىلۋى بولار ەدى. كۇنى-بويى كومپيۋتەرگە تەسىلىپ وتىراتىن قىزمەتكەرلەردىڭ الپىس ەكى تامىرىنا قان جۇگىرتىپ، قۇرىس-تىرىسىن جازىپ، بويىنا كۇش-قۋات جينار ەدى. ودان دا ماڭىزدىسى، بيلىك وكىلدەرىنىڭ قول استىنداعى قىزمەتكەرلەرىمەن، جاقىنىراق ارالاسۋىنا، بىلايعى حالىققا ۇلگى بولارىنا تاماشا وراي جاراتادى.