الماتى مەتروسىنىڭ جۇمىس كەستەسى وزگەردى. بۇل تۋرالى «مەتروپوليتەننىڭ» ءباسپاسوز قىزمەتى حابارلادى.

– كوپتەگەن جولاۋشىلار ءوتىنىشىن ەسكەرە وتىرىپ، ۇستىمىزدەگى جىلدىڭ 12 قاراشاسىنان باستاپ الماتى مەتروپوليتەنى جاڭا جۇمىس كەستەسىنە كوشەدى. ەندى جەراستى جۇردەك پويىزدارى تاڭعى 6.20-دان تۇنگى 24.00-گە دەيىن قاتىنايتىن بولادى. سونداي-اق، الماتى شاھارىنىڭ مەتروسىن جولاۋشىلارعا بارىنشا قولايلى ەتۋ ءۇشىن بارلىق جاعداي جاسالىپ جاتىر. كەلەسى جىلى ارنايى الاڭدار مەن كاسسا زالدارىندا اقپاراتتىق ديسپلەيلەر ورناتىلادى. جولاۋشىلار ەندى كەلەسى پويىزدىڭ قاشان كەلەتىنىن الدىن-الا كورىپ تۇراتىن بولادى، – دەدى «الماتى مەتروقۇرىلىس» اق ءباسپاسوز قىزمەتىنىڭ وكىلدەرى.

Abai.kz