دۇيسەنبى, 5 جەلتوقسان 2022
2292 0 پىكىر 30 قازان, 2018 ساعات 09:52

يندونەزيادا جولاۋشىلار ۇشاعى قۇلادى

يندونەزيادا Lion Air كومپانياسىنىڭ ۇشاعى اپاتقا ۇشىرادى. يندونەزيا بيلىگىنىڭ حابارلاۋىنشا، ەل استاناسى دجاكارتادان پانكالپينانگ قالاسىنا ۇشىپ شىققان Boeing 737 ۇشاعى سۋماترا ارالىنا جاقىن تەڭىزگە قۇلادى.

الدىن الا مالىمەت بويىنشا، ۇشاقتا 188 ادام بولعان. ۇشاقتا ءتىرى قالعاندار بار-جوعى ازىرگە بەلگىسىز. "ۇشاقتىڭ اپاتقا ۇشىراعانى راستالدى" دەدى يندونەزيا ۇلتتىق ىزدەۋ جانە قۇتقارۋ اگەنتتىگىنىڭ رەسمي وكىلى يۋسۋف لاتيف 29 قازان كۇنى تاراتقان حابارلاماسىندا.

Flightradar 24 سەرۆيسىنىڭ مالىمەتىنشە، ۇشاقتىڭ تولىق اتاۋى Boeing MAX 737 دەپ اتالادى. موديفيكاتسيالانعان بۇل ءتيپتى ۇشاقتار 2017 جىلى پايدالانىلا باستاعان. بۇعان دەيىن Boeing-ءتىڭ مۇنداي مودەلدەرى اپاتقا ۇشىراعان ەمەس.

Boeing كومپانياسى ۇشاق اپاتىنان حاباردار ەكەنىن جانە جاعدايدى ء"جىتى باقىلاپ وتىرعانىن" مالىمدەدى.

Lion Air Group كومپانياسىنىڭ اتقارۋشى ديرەكتورى ەدۋارد سيراي كومپانيا اپاتقا قاتىستى بارلىق اقپارات پەن دەرەكتى جيناستىرىپ جاتقانىن عانا ايتىپ، ازىرگە كوممەنتاري بەرە المايتىنىن حابارلادى.

يندونەزيادا سوڭعى جىلدارى بىرنەشە رەت ۇشاق قۇلاپ، ادام شىعىنى بولعان.

Abai.kz

0 پىكىر

ۇزدىك ماتەريالدار

قۇيىلسىن كوشىڭ

قانداستار قازاققا، قازاقستانعا نە بەردى؟

رايىس ءارىپجانۇلى 2391
الاشوردا

تۇركىلىك تەك جانە تۇركى-موعول بىرلىگى

ءجادي شاكەنۇلى 1267
قاۋىپ ەتكەننەن ايتامىن

گازدىڭ گەوساياسي «گەموررويى»

ءامىرجان قوسان 1521