جۇما, 7 قازان 2022
2947 1 پىكىر 29 قازان, 2018 ساعات 10:56

رەسەيدە اكتسيا كەزىندە ونداعان بەلسەندى ۇستالدى

ماسكەۋدە جانە پەتەربۋرگتا وتكەن ساياسي تۇتقىنداردى قورعاۋ اكتسياسى كەزىندە 60-قا جۋىق ادام ۇستالعان. بىرنەشەۋىن تاڭعا دەيىن ۇستاعان، ەندى ءبىرىن حاتتاما تولتىرعاننان كەيىن، بوساتقان.

اكتسيا «ءبىزدىڭ جانە ءسىزدىڭ بالالارىڭىز ءۇشىن» دەگەن ۇرانمەن وتكەن. ونى «نوۆوە ۆەليچيا» جانە «سەتي» ىستەرى بويىنشا ۇستالعانداردىڭ اتا-انالارى وتكىزدى. «وۆد-ينفو» سايتىنىڭ حابارلاۋىنشا، ماسكەۋدە فەدەرالدى قاۋىپسىزدىك قىزمەتى عيماراتى الدىنا 500 ادام جينالعان. استانا بيلىگى ميتينگ وتكىزۋگە رۇقسات بەرمەگەن. سول ءۇشىن باستاماشىل توپ لۋبيانسك الاڭى الدىنا پلاكاتسىز شىعۋدى ۇسىنعان. اكتسياعا SERB ۇيىمىنىڭ مۇشەلەرى كەلىپ، كەدەرگى كەلتىرگەن. ماسكەۋدە 18 ادام ۇستالعان.

 

سانكت-پەتەربۋرگتە دە بيلىك ميتينگ وتكىزۋگە رۇقسات بەرمەگەن. ازاتتىقتىڭ رەسەيدەگى ءتىلشىسىنىڭ حابارلاۋىنشا، پوليتسيا 40 ادامدى ۇستاعان. ونىڭ ىشىندە 12 جاستاعى قىز بولعان.

نوۆوسيبيرسكىدە جەكسەنبى كۇنى جالعىز ادامدىق پيكەتتەر وتكەن. "سيبير.رەالي" سايتىنىڭ "سەتي" ءىسى بويىنشا ۇستالعان ارمان ساعىنباەۆتىڭ اناسى جالعىز پيكەتكە شىققان. پوليتسيا ونى ۇستاماعان.

«نوۆوە ۆەليچيا» جانە «سەتي» ىستەرىنىڭ فيگۋرانتتارىن قورعاعان ميتينگ پەنزا شاھارىندا دا وتكەن. ۇيىمداستىرۋشىلاردىڭ اقپاراتىنا قاراعاندا، اكتسيا بارىسىندا ەشكىم ۇستالماعان. وسىنداي پيكەتتەر ۆورونەج، يركۋتسك جانە نيجني نوۆگورود قالالارىندا دا وتكەن. حەلسينكيدە بەلسەندىلەر رەسەي ەلشىلىگى الدىندا پيكەتكە شىققان.

Abai.kz

1 پىكىر