بەيسەنبى, 30 مامىر 2024
4752 4 پىكىر 26 قازان, 2018 ساعات 16:36

«ءوز جەرىڭدى تانىپ ءبىل» جوباسى ىسكە قوسىلادى

بۇگىن اقوردادا قوعامدىق القا-قوتان جيىن ءوتتى. قر پرەزيدەنتى جانىنداعى قوعامدىق سانانى جاڭعىرتۋ باعدارلاماسىن ىسكە اسىرۋ جونىندەگى ۇلتتىق كوميسسيانىڭ كەزەكتى وتىرىسىنا قر ءپا جەتەكشىسى اسەت ورەنتايۇلى توراعالىق جاسادى. بۇل تۋرالى Abai.kz اقپاراتتىق پورتالى حابارلايدى. 

اسەت ورەنتايۇلى ۇلتتىق كوميسسيانىڭ وتىرىسىن اشىپ، ءسوز سويلەدى. مەملەكەت باسشىسىنىڭ «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى جولداۋىنىڭ نەگىزگى باعىتتارىن ىسكە اسىرۋ اياسىندا ءدال وسى «رۋحاني جاڭعىرۋ» باعدارلاماسىنىڭ ماڭىزى ەرەكشە ەكەنىن ايتتى.

قر پرەزيدەنتى اكىمشىلىگىنىڭ باسشىسى «رۋحاني جاڭعىرۋ» باعدارلاماسىنىڭ ورىندالۋىن جاڭا مازمۇنمەن جانە باعىتتارمەن تولتىرۋدىڭ ماڭىزدىلىعىنا توقتالا كەلىپ:

-مەملەكەت باسشىسىنىڭ تاپسىرماسىنا سايكەس، تاياۋ ۋاقىتتا جاڭا «اۋىل – ەل بەسىگى» جانە «ءوز جەرىڭدى تانىپ ءبىل» جوبالارى ىسكە قوسىلاتىن بولادى، ولار اۋىلدىق اۋماقتاردىڭ دامۋىنا قوسىمشا سەرپىن بەرمەك، - دەدى.

سونداي-اق، كوميسسيا وتىرىسىنا ارنايى قاتىسقان و.ورازالين، ا.بالاەۆا، د.اباەۆ، ا.ەۆنيەۆ، د.كالەتاەۆ، ا.مۇحامەديۇلى جانە ر.كەنجەحانۇلى دا ءسوز سويلەدى. بەينەبايلانىس رەجيمىندە جامبىل جانە باتىس قازاقستان وبلىستارىنىڭ اكىمدەرى دە سوزتالقىعا ارالاستى. ءوز وي-پىكىرلەرىن ورتاعا سالدى.

تالقىلاۋلار قورىتىندىسى بويىنشا ۇلتتىق كوميسسيانىڭ توراعاسى ۇكىمەتكە 2018-2019 جىلدارعا ارنالعان «رۋحاني جاڭعىرۋ» باعدارلاماسىن ىسكە اسىرۋ جونىندەگى بىرىڭعاي جوسپار ازىرلەۋدى، اۋىل شارۋاشىلىعى مينيسترلىگىنە جاڭا «اۋىل – ەل بەسىگىڭ» الەۋمەتتىك جوباسىن ىسكە قوسۋدى تاپسىردى.

ءوڭىر باسشىلارىنا جەرگىلىكتى جەرلەردە باعدارلامانىڭ تاپسىرمالارىن بارلىق باسىمدىق باعىتتارى بويىنشا ناقتى ماقساتتار مەن ناتيجەلەرگە قول جەتكىزۋگە كوڭىل بولە وتىرىپ ىسكە اسىرۋ جونىندە تاپسىرمالار بەرىلدى.

ەستەرىڭىزگە سالا كەتەيىك، ۇلتتىق كوميسسيا قازاقستان رەسپۋبليكاسى پرەزيدەنتىنىڭ جارلىعىمەن قوعامدىق سانانى جاڭعىرتۋ باعدارلاماسىن ىسكە اسىرۋ، ەلدىڭ ودان ءارى ىلگەرىلەمەلى مادەني-گۋمانيتارلىق دامۋىن قامتاماسىز ەتۋ ماقساتىندا قۇرىلعان.

كوميسسيا قۇرامىنا تانىمال قوعام قايراتكەرلەرى، عالىمدار، جازۋشىلار، جۋرناليستەر، پارلامەنت دەپۋتاتتارى، پرەزيدەنت اكىمشىلىگىنىڭ وكىلدەرى، ۇكىمەت مۇشەلەرى، وڭىرلەردىڭ، استانا، الماتى جانە شىمكەنت قالالارىنىڭ اكىمدەرى، قازاقستان حالقى اسسامبلەياسىنىڭ مۇشەلەرى، ساياسي پارتيالار وكىلدەرى كىرەدى.

Abai.kz

4 پىكىر

ۇزدىك ماتەريالدار

قۇيىلسىن كوشىڭ

باس گازەت ورالماندارعا نەگە شۇيلىكتى؟

ءالىمجان ءاشىمۇلى 2432
ادەبيەت

«سولاي ەمەس پە؟»

عابباس قابىشۇلى 2751
قوعام

دوس كوپ پە، دۇشپان كوپ پە؟

ءابدىراشيت باكىرۇلى 3227
ەل ءىشى...

ۇلتتىق بىرەگەيلەنۋ: قانداستاردىڭ ءرولى قانداي؟

ءومارالى ادىلبەكۇلى 1830