پوليتسەيلەرگە جاڭا فورما اپەرگەننەن، ولاردىڭ جۇمىسى جاقسارىپ پارا الۋدى توقتادى دەپ وتىرسىزدار ما؟
ولاردىڭ فورماسىن اۋىستىرعانشا، ولاردىڭ ايلىعىن كوتەرىڭدەر! ءبىزدىڭ ۇكىمەت پوليتسيا قىزمەتكەرلەرىن پارا الۋعا وزدەرى يتەرمەلەپ وتىر!

ناقتى فاكتىمەن جازايىن.
ايلىقتارى 100 مىڭ مەن 75 مىڭ تەڭگەنىڭ اراسى.
ال ەسەپتەڭىزدەر 50 مىڭ تەڭگەدەن جوعارى پاتەراقى، 15-20 مىڭ تەڭگە كوممۋنالدىق قىزمەت اقى، ەگەر ۇيلەنگەن بولسا ازىق تۇلىكتىڭ وزىنە ءبىر ايعا ءجاي وتباسىعا 50 مىڭ تەڭگە كەتەدى. بالا باقشا اقىسى تاعى بار. قوسىمشا جول پۇل، مايدا شۇيدە شىعىنعا ءبىر ايعا 20 مىڭ تەڭگە دەپ الايىق. ايىنا ءبىر پوليتسيا قىزمەتكەرىنە 250 مىڭ تەڭگەدەي شىعىن كەتەدى. ۇكىمەت ولارعا ءۇي بەرمەيدى، زەينەتاقى قورىن جۇرگىزبەي تاستادى.

سوندا، ماردىمسىز ايلىق الاتىن پوليتسيا قىزمەتكەرلەرى پارا الماعاندا نە ىستەيدى؟ ايلىقتان ايلىققا جەتۋ ولار ءۇشىن وڭاي ەمەس! سولاردىڭ ءبىر پارا العىسى كەلىپ الادى دەيسىڭ بە؟

ميلليونداپ جەپ وتىرعاندار ءۇشىن بۇل پروبلەما ەمەس شىعار، ال تيىنداپ الىپ وتىرعاندار ءۇشىن بۇل ۇلكەن پروبلەما. رەفورما جاساعىلارىڭ كەلسە پوليتسيا قىزمەتكەرلەرىنىڭ ايلىعىن كوبەيتىڭدەر! سول كەزدە قىلمىس تا ازايادى ەشقانداي رەفورما دا كەرەك ەمەس!

ايگۇل ورىنبەكتىڭ facebook پاراقشاسىنان

Abai.kz