ەلباسىنىڭ «تسيفرلىق قازاقستان» مەملەكەتتىك باعدارلاماسىنا سايكەس جەر قاتىناستارى سالاسىن تسيفرلاندىرۋ تۇرعىندارعا قىزمەتتى بۇرىنعىدان جاقسارتادى. بۇل تۋرالى بقو جەر قاتىناستارى باسقارماسىنىڭ باس مامانى ديار سۇلتانعاليەۆ ايتتى.

ونىڭ ايتۋىنشا، مەملەكەت باسشىسى بيىلعى جولداۋىندا سىبايلاس جەمقورلىقپەن كۇرەستە جەر قاتىناستارى مەن قۇرىلىس سالاسىنداعى بيۋروكراتتىق راسىمدەر جۇرتشىلىقتى مازالايتىن ماسەلەلەردىڭ ءبىرى ەكەندىگىن اتاپ وتكەن بولاتىن.

وسىعان وراي ەلباسى جەر قورى مەن جىلجىمايتىن مۇلىك نىساندارى تۋرالى مالىمەتتەردىڭ بىرىڭعاي اقپاراتتىق بازاسىن جاساۋدى تاپسىرىپ، اتالعان ماسەلە بويىنشا ءتارتىپ ورناتىپ، جەردى ناقتى پايدالانۋشىلارعا جانە ينۆەستورلارعا بەرۋ كەرەكتىگىنە توقتالعان ەدى.

جولداۋدا ايتىلعان مىندەتتەر مەن «تسيفرلىق قازاقستان» مەملەكەتتىك باعدارلاماسىن جۇزەگە اسىرۋ باعىتىندا وڭىردە جەر قاتىناستارى سالاسىن تسيفرلاندىرۋ بويىنشا جۇيەلى جۇمىستار جۇرگىزىلۋدە.

وتكەن جىلدىڭ ماۋسىمىمنان باستاپ ورال قالاسى اكىمدىگىندە «قولجەتىمدى اكىمدىك» اتتى مەملەكەتتىك قىزمەتتەردى كورسەتۋگە جانە قۇجاتتاردى قابىلداۋ مەن وڭدەۋگە ارنالعان ورتالىق جۇمىس ىستەۋدە. «SMART ورال» كوپ فۋنكتسيونالدى قىزمەت كورسەتۋ ورتالىعى اشىلدى، وندا 640 قىزمەت ءتۇرى ۇسىنىلادى.

سونداي-اق بيىلدان باستاپ www.zem.kz ەلەكتروندىق پورتالى ىسكە قوسىلدى. بۇل پورتالدىڭ جۇمىسى جەر قاتىناستارى قۇرىلىمدارىنىڭ قۇجات اينالىمىن تسيفرلىق وڭتايلاندىرۋ جولىمەن قىزمەت ساپاسىن ارتتىرۋعا باعىتتالعان. پورتالدا مۇددەلى تۇلعالاردىڭ 12 اۋدان جانە ورال قالاسى كونكۋرس جانە اۋكتسيون ارقىلى بەرىلۋى جوسپارلانعان جەر ۋچاسكەلەرىنىڭ سحەمالارى، سونداي-اق جەكە تۇرعىن ءۇي قۇرىلىسىن جۇرگىزۋگە جەر ۋچاسكەسىن الۋ ءۇشىن كەزەكتە تۇرعاندار جانە ىقىلاسسىز جەر پايدالانۋشىلار ءتىزىمىن قاراۋ مۇمكىندىگى بار. ازاماتتار مەن زاڭدى تۇلعالار ساۋدا-ساتتىعىنا قويىلعان اۋىل شارۋاشىلىعى جانە كوممەرتسيالىق ماقساتتارداعى بوس جەر ۋچاسكەلەرى تۋرالى اقپاراتتى قاراي الادى. پورتالداعى قولجەتىمدى اقپارات تۇراقتى تۇردە جاڭارتىلادى.

ديار سۇلتانعاليەۆتىڭ سوزىنە قاراعاندا، بيىلعى توعىز اي بويىنشا بارلىعى 15 مىڭنان استام جەكە جانە زاڭدى تۇلعالار ەلەكتروندىق پورتالعا كىرىپ، قاجەتتى اقپاراتتار الدى. سونىمەن قاتار 5 قازاندا ەلەكتروندىق پورتالدا اقجايىق اۋدانى بويىنشا العاش رەت رەسپۋبليكا توڭىرەگىندە اعىلشىن تاسىلىمەن كوممەرتسيالىق ماقساتتاعى جەر ۋچاسكەلەرىنە جالداۋ قۇقىعىن ەلەكتروندىق اۋكتسيون ارقىلى ساتۋ وتكىزىلدى. الداعى ۋاقىتتا اتالعان پورتال ارقىلى وبلىس بويىنشا جەر ساۋدا-ساتتىعىن وتكىزۋ جوسپارلانىپ وتىر.

«بيىلعى جىلدىڭ ناۋرىز ايىندا ورال قالاسى اكىمدىگىمەن ۋاكىلەتتى قۇرىلىمدارعا جەر ۋچاسكەسىن تاڭداۋ اكتىسى بويىنشا كەلىسۋ پروتسەسىن اۆتوماتتاندىرۋعا مۇمكىندىك بەرەتىن www.easy.zko.org.kz پورتالى جاساقتالىپ، ىسكە قوسىلدى. بۇل كەلىسۋ مەرزىمدەرىن 2-3 ايدان 5-10 كۇنگە دەيىن قىسقارتۋعا ىقپال ەتتى. ناتيجەسىندە، ءوتىنىش بەرۋشىنىڭ 20-دان اسا كەلىسۋشى ۇيىمدارمەن تىكەلەي بايلانىسى الىپ تاستالىپ، جەر قاتىناستارى سالاسىنداعى سىبايلاس جەمقورلىق تاۋەكەلدەرى جويىلدى»، دەدى د.سۇلتانعاليەۆ.

Abai.kz