Elbasynyng «Sifrlyq Qazaqstan» memlekettik baghdarlamasyna sәikes jer qatynastary salasyn sifrlandyru túrghyndargha qyzmetti búrynghydan jaqsartady. Búl turaly BQO jer qatynastary basqarmasynyng bas mamany Diyar Súltanghaliyev aitty.

Onyng aituynsha, Memleket basshysy biylghy Joldauynda sybaylas jemqorlyqpen kýreste jer qatynastary men qúrylys salasyndaghy burokrattyq rәsimder júrtshylyqty mazalaytyn mәselelerding biri ekendigin atap ótken bolatyn.

Osyghan oray Elbasy jer qory men jyljymaytyn mýlik nysandary turaly mәlimetterding birynghay aqparattyq bazasyn jasaudy tapsyryp, atalghan mәsele boyynsha tәrtip ornatyp, jerdi naqty paydalanushylargha jәne investorlargha beru kerektigine toqtalghan edi.

Joldauda aitylghan mindetter men «Sifrlyq Qazaqstan» memlekettik baghdarlamasyn jýzege asyru baghytynda ónirde jer qatynastary salasyn sifrlandyru boyynsha jýieli júmystar jýrgizilude.

Ótken jyldyng mausymymnan bastap Oral qalasy әkimdiginde «Qoljetimdi әkimdik» atty memlekettik qyzmetterdi kórsetuge jәne qújattardy qabyldau men óndeuge arnalghan ortalyq júmys isteude. «SMART Oral» kóp funksionaldy qyzmet kórsetu ortalyghy ashyldy, onda 640 qyzmet týri úsynylady.

Sonday-aq biyldan bastap www.zem.kz elektrondyq portaly iske qosyldy. Búl portaldyng júmysy jer qatynastary qúrylymdarynyng qújat ainalymyn sifrlyq ontaylandyru jolymen qyzmet sapasyn arttyrugha baghyttalghan. Portalda mýddeli túlghalardyng 12 audan jәne Oral qalasy konkurs jәne auksion arqyly berilui josparlanghan jer uchaskelerining shemalary, sonday-aq jeke túrghyn ýy qúrylysyn jýrgizuge jer uchaskesin alu ýshin kezekte túrghandar jәne yqylassyz jer paydalanushylar tizimin qarau mýmkindigi bar. Azamattar men zandy túlghalar sauda-sattyghyna qoyylghan auyl sharuashylyghy jәne kommersiyalyq maqsattardaghy bos jer uchaskeleri turaly aqparatty qaray alady. Portaldaghy qoljetimdi aqparat túraqty týrde janartylady.

Diyar Súltanghaliyevting sózine qaraghanda, biylghy toghyz ay boyynsha barlyghy 15 mynnan astam jeke jәne zandy túlghalar elektrondyq portalgha kirip, qajetti aqparattar aldy. Sonymen qatar 5 qazanda elektrondyq portalda Aqjayyq audany boyynsha alghash ret respublika tónireginde aghylshyn tәsilimen kommersiyalyq maqsattaghy jer uchaskelerine jaldau qúqyghyn elektrondyq auksion arqyly satu ótkizildi. Aldaghy uaqytta atalghan portal arqyly oblys boyynsha jer sauda-sattyghyn ótkizu josparlanyp otyr.

«Biylghy jyldyng nauryz aiynda Oral qalasy әkimdigimen uәkiletti qúrylymdargha jer uchaskesin tandau aktisi boyynsha kelisu prosesin avtomattandyrugha mýmkindik beretin www.easy.zko.org.kz portaly jasaqtalyp, iske qosyldy. Búl kelisu merzimderin 2-3 aidan 5-10 kýnge deyin qysqartugha yqpal etti. Nәtiyjesinde, ótinish berushining 20-dan asa kelisushi úiymdarmen tikeley baylanysy alyp tastalyp, jer qatynastary salasyndaghy sybaylas jemqorlyq tәuekelderi joyyldy», dedi D.Súltanghaliyev.

Abai.kz