الماتىدا مەرلەر مەن ساياسي كوشباسشى­لار­دىڭ قاتىسۋىمەن القالى جيىن وتەدى. وندا قالا­لاردىڭ العاشقى مەديتسينالىق-سانيتارلىق كومەك كورسەتۋدەگى ءرولى جانە دەن­ساۋلىق ساقتاۋ شاراسىنا كوپشىلىكتى  كەڭىنەن تارتۋ جونىندەگى ماسەلەلەر تالقىلانادى. بۇل تۋرالى المساتى اقشامى گازەتى حابارلايدى. 

اتالعان شارا الماتىدا قول قويىلعان العاشقى مەديتسينالىق-سانيتارلىق كومەك كورسەتۋ جونىندەگى حالىقارالىق دەكلاراتسيانىڭ 40 جىلدىعىنا وراي­لاستىرىلعان، ءارى بۇل قۇجات كوپشىلىكتىڭ دەنساۋلىعىن قامتاماسىز ەتۋدىڭ ستراتەگيالىق نەگىزىنە اينالعان.

ايتا كەتەرلىگى، بۇل دەكلاراتسيا دۇنيەجۇزىلىك دەنساۋلىق ساقتاۋ ۇيىمىنىڭ «سالاۋاتتى قالالار» اتتى ەۋروپالىق جەلىسىن  قۇرۋدا ماڭىزدى ءرول اتقاردى.

سول كەزدەن باستاپ جەرگىلىكتى قوعامداستىقتار بازاسى نەگىزىندە جۇمىس  ىستەيتىن العاشقى مەديتسينا­لىق-سانيتارلىق كومەك كورسەتۋ جۇيەسى كوپشىلىكتىڭ  دەنساۋلىعىن جاقسارتۋدىڭ قۇرامداس بولىگىنە اينالدى. الماتى  دەكلاراتسياسىنىڭ  مۇراسىن ودان ءارى كەڭەي­تە تۇسەتىن سامميت قالالار مەن وڭىرلەردىڭ العاشقى مەديتسينالىق-سانيتارلىق كومەك كورسەتۋدەگى ءرولى، ساۋ قالالاردىڭ قوعامداعى دەنساۋلىق ساقتاۋ ىسىنە تيگىزەتىن وڭ ىقپالى،  كوشى-قون ىسىنە قاتىستى الەۋ­مەتتىك ادىلەت­تىلىكتى قالىپتاستىرۋ جانە ءتۇرلى پروبلە­مالاردى شەشۋ سياقتى ماڭىزدى ماسەلەلەردى  تالقى­لايدى. ءسامميتتىڭ قورىتىندىسى بويىنشا مەرلەر­دىڭ الماتى ۇندەۋى  قابىلدانادى.

قالالار اكىمشىلىكتەرىنىڭ 100-دەن استام وكىلى قاتى­ساتىن فورۋم الماتىدا بيىلعى 23-24 قازان ارالى­عىندا وتەدى ءارى استانادا بولاتىن العاشقى مەديتسي­نالىق-سانيتارلىق كومەك كورسەتۋ جونىندەگى جاھاندىق كونفەرەنتسيانىڭ باستاۋىنا اينالادى.

Abai.kz