21 قىركۇيەك كۇنى قركف توراعاسى باقىتجان ءابدىرايىمنىڭ توراعالىعىمەن قر كاسىپوداقتار فەدەراتسياسى اتقارۋ كوميتەتىنىڭ وتىرىسى ءوتتى، - دەپ حابارلايدى اباي-اقپارات.

وتىرىستا فەدەراتسيا قىزمەتىنىڭ ۇيىمداستىرۋشىلىق-قۇقىقتىق ماسەلەلەرى قاراستىرىلدى.

اتقارۋ كوميتەتىنىڭ مۇشەلەرى «قازاقستاندىق «YNTYMAQ» ورتا جانە شاعىن بيزنەس قىزمەتكەرلەرىنىڭ سالالىق كاسىپوداعى» رقب قازاقستان رەسپۋبليكاسى كاسىپوداقتار فەدەراتسياسىنىڭ قۇرامىنا كىرۋى تۋرالى شەشىم قابىلدادى.

تۇركىستان وبلىسىنىڭ قۇرىلۋىنا جانە شىمكەنت قالاسىنىڭ رەسپۋبليكالىق مانگە يە قالا مارتەبەسىنە يە بولۋىنا بايلانىستى «وڭتۇستىك قازاقستان وبلىسىنىڭ كاسىپوداق ورتالىعى» اۋماقتىق كاسىپوداقتار بىرلەستىگىنىڭ اتاۋىن «شىمكەنت قالاسىنىڭ كاسىپوداق ورتالىعى» اۋماقتىق كاسىپوداقتار بىرلەستىگىنە وزگەرتۋ جانە «تۇركىستان وبلىسىنىڭ كاسىپوداق ورتالىعى» اۋماقتىق كاسىپوداقتار بىرلەستىگىن قۇرۋ تۋرالى ماسەلەلەر قارالدى.

اتقارۋ كوميتەتىنە قاتىسۋشىلار قر كاسىپوداقتار فەدەراتسياسىنىڭ كەزەكتەن تىس XXV-سەزىنە دايىندىق جانە وتكىزۋ بويىنشا ءىس-شارالار جوسپارىنىڭ ورىندالۋ بارىسى تۋرالى اقپاراتتى تىڭدادى.

اتقارۋ كوميتەتىنىڭ مۇشەلەرى قركف جارعىسى جوباسىنا، تەكسەرۋ كوميسسياسى تۋرالى ەرەجە جوباسىنا جانە ونىڭ قۇرامىنا وزگەرىستەر مەن ۇسىنىستاردى قاراستىردى جانە وسى ماسەلەلەردى قر كاسىپوداقتار فەدەراتسياسىنىڭ كەزەكتەن تىس XXV-سەزىندە قاراستىرۋ تۋرالى شەشىم قابىلدادى.

Abai.kz