17 قىركۇيەك كۇنى قازاقستان رەسپۋبليكاسىنىڭ قوعامدىق دامۋ سالاسىنداعى قوعامدىق كەڭەستىڭ وتىرىسى ءوتتى. كەڭەس جۇمىسىنا قر قوعامدىق دامۋ ءمينيسترى دارحان كالەتاەۆ، قوعامدىق كەڭەس توراعاسى تولەۋتاي سۇلەيمەنوۆ، قر پالامەنتى ءماجىلىسىنىڭ دەپۋتاتى سەرىك سەيدۋمانوۆ، ۇكىمەتتىك ەمەس ۇيىمداردىڭ وكىلدەرى، ساراپشىلار، مينيسترلىكتىڭ جانە كوميتەتتەردىڭ قۇرىلىمدىق بولىمشەلەرىنىڭ باسشىلارى قاتىستى، — دەپ حابارلايدى اباي-اقپارات قر قوعامدىق امۋ مينيسترلىگىنىڭ ءباسپاسوز قىزمەتىنە سىلتەمە جاساپ. 

قوعامدىق كەڭەس وتىرىسىندا بىرقاتار وزەكتى ماسەلەلەر قارالدى، اتاپ ايتقاندا، مينيسترلىكتىڭ اتاۋىنىڭ وزگەرۋىنە بايلانىستى كونسۋلتاتيۆتىك-كەڭەسشى ورگاننىڭ اتاۋى قازاقستان رەسپۋبليكاسىنىڭ قوعامدىق دامۋ سالاسىنداعى قوعامدىق كەڭەس بولىپ وزگەرتىلدى. سونداي-اق، كۇن تارتىبىندە كەڭەس قۇرامىنان شىققان قوعامدىق كەڭەس مۇشەلەرىنىڭ ورنىنا سايلاۋ وتكىزۋ جانە كەيبىر نورماتيۆتىك-قۇقىقتىق اكتىلەرگە وزەرىستەر مەن تولىقتىرۋلار ەنگىزۋ ماسەلەلەرى قاراستىرىلدى.

قوعامدىق دامۋ ءمينيسترى دارحان كالەتاەۆ ءوز سوزىندە قوعامدىق كەڭەستىڭ مەملەكەتتىك باسقارۋداعى ينستيتۋت رەتىندەگى ماڭىزدىلىعىن اتاپ ءوتىپ، كەڭەس قۇرامىن كەڭەيتۋدى ۇسىندى. ءمينيستردىڭ ايتۋىنشا، مينيسترلىككە بەرىلگەن قوسىمشا وكىلەتتىلىكتەرگە بايلانىستى، وتباسىلىق ساياسات ماسەلەلەرىنە ساراپشىلار تارتۋ، دياسپورالارمەن جانە باسقا دا جاڭا باعىتتار بويىنشا جۇمىستاردى جۇزەگە اسىرۋ قاجەتتىلىگى تۋىندايدى.

دارحان كالەتاەۆ مينيسترلىك قۇرىلىمىنداعى وزگەرىستەرگە تولىعىراق توقتالدى. اتاپ ايتقاندا، قوعامدىق جاڭعىرتۋ دەپارتامەنتىنىڭ، قوعامدىق كەلىسىم، جاستار جانە وتباسى ىستەرى كوميتەتىنىڭ قۇرىلعاندىعى تۋرالى ايتتى. بۇدان بولەك، مينيستر ۆەدومستۆوعا باعىنىستى ۇيىمدارعا قاتىستى ءوزىنىڭ پىكىرىمەن جانە ۇزاق مەرزىمدى جوسپارلارى تۋرالى وي ءبولىستى.

كەڭەس بارىسىندا قاتىسۋشىلار كەڭەس قۇرامىنان شىققان قوعامدىق كەڭەس مۇشەلەرىنىڭ ورنىنا، ولاردىڭ قالعان وكىلەتتىلىك مەرزىمىنە سايلاۋ وتكىزۋدى جاريالاۋ تۋرالى شەشىم قابىلدادى جانە قاراۋعا شىعارىلعان نورماتيۆتىك-قۇقىقتىق اكتىلەر تالقىلاندى. قوعامدىق كەڭەستىڭ شەشىمدەرى قاتىسۋشىلاردىڭ كوپشىلىك داۋىسىمەن قابىلداندى جانە ارنايى حاتتامامەن بەكىتىلدى.

Abai.kz