3.توبىردى ءۇمىت ارقىلى تاۋەلدى ەتۋ. الىس بولاشاقپەن الدارقاتۋ. ءبىزدىڭ جۇلدىزىمىز جاناتىن ءسات كەلە جاتىر دەگەن ەرتەگىگە سەندىرۋ. ولارعا ويلاپ تاۋىپ دارەجە ۇلەستىرۋ. ۇلەستىرگەن دارەجەڭدى قوڭىراۋلاتىپ قويۋ... ارى قاراي ءسوزىڭدى سويلەتىپ سولاردىڭ ەسەبىنەن كۇن كورە بەرەسىڭ. ولار سەن ءۇشىن جان بەرەتىن دايىن اسكەرگە اينالادى.

4.توبىردى تاڭعالدىرۋ وڭاي. سەنىمىنە كىرگەن توبىرعا سۋ تومەن قاراي اعادى، اسپان كوك، ءشوپ جاسىل دەسەڭ جەتىپ جاتىر. "بۇل، راسىندا، اقيقات قوي، قانداي دانىشپاندىق!" دەپ شۋ ەتە قالادى. وزگە بىرەۋلەر بۇعان نەگە تاڭعالاسىڭدار جۇرتتىڭ ءبارى بىلەتىن نارسە عوي دەسە، كورە الماي جاتىرسىڭدار دەگەن ساندىراقتارىن جاۋدىرادى.

5.توبىردى نيەتتەس بولعانسىپ تاۋەلدى ەتۋ. توبىردىڭ جان جاراسىن تاۋىپ، سوعان ەم ىزدەۋشى بولىپ كورىنۋ. جاۋىن قوسىلىپ جامانداۋ... بۇل ەشقانداي شىعىن شىعاتىن نارسە مەس. جاي عانا قامقور بولىپ كورىنسەڭ جەتەدى. توبىردىڭ كۇش-قۋاتىن ءوز مۇددەڭە پايدالانا بەرەسىڭ.

6.توبىردىڭ قاۋىپتىلىگى – توبىردا وتان دەگەن ۇعىم بولمايدى. ولاردا مۇددە عانا بار. كىم مۇددەسىنە جۇمىس جاساسا، مۇددەسىنە جۇمىس جاسايتىن بولىپ كورىنسە،سوعان ەرىپ كەتە بەرەدى. توبىردىڭ قورقىنىشتىلىعى – توبىر دوسپەن، قاستى اجىراتا بىلمەيدى.

مۇراتحان شوقاننىڭ facebook پاراقشاسىنان

Abai.kz