قانات تىلەۋحان، جازۋشى. بايقاماي ىستەگەن قاتەلىكتەردى كەشىرۋگە بولادى
Abai.kz اقپاراتتىق پورتالىنىڭ "پۋرۋست ساۋالناماسى" ايدارىنىڭ بۇگىنگى قوناعى - جازۋشى قانات تىلەۋحان.
– ءسىزدىڭ ويىڭىزشا، ەڭ قاتەرلى جاعداي دەگەنىمىز نە؟
– كەزدەيسوق كەلگەن اجال.
– ءسىزدىڭ قاي جەردە ءومىر سۇرگىڭىز كەلەر ەدى؟
– ءوز ەلىمدە!
– ءسىز ءۇشىن ەڭ ءمىنسىز باقىت دەگەن نە؟
– دەننىڭ ساۋلىعى.
– ءسىز قانداي قاتەلىكتەردى كەشىرۋگە بولادى دەپ ەسەپتەيسىز؟
– بايقاماي ىستەگەن قاتەلىكتەردى كەشىرۋگە بولادى دەپ ويلايمىن.
– ءسىزدىڭ ەڭ سۇيىكتى ادەبي كەيىپكەرلەرىڭىز؟
– باقتىعۇل («قاراش-قاراش وقيعاسى»، م. اۋەزوۆ)
– ءسىزدىڭ ەڭ سۇيىكتى تاريحي كەيىپكەرىڭىز؟
– م. گاندي
– ءسىزدىڭ شىنايى ومىردەگى ەڭ سۇيىكتى كەيىپكەرىڭىز؟
– كىشكەنتاي ادامدار.
– ءسىزدىڭ ادەبيەتتەگى ەڭ سۇيىكتى ايەل كەيىپكەرىڭىز؟
– ناستاسيا فيليپپوۆنا («يديوت». ف. دوستوەۆسكي)
– ءسىزدىڭ ەڭ سۇيىكتى سۋرەتشىڭىز؟
– سۋرەت ونەرىنە قىزىعۋشىلىعىم جوق
– ءسىزدىڭ ەڭ سۇيىكتى مۋزىكانتىڭىز؟
– ن. تىلەنديەۆ.
– ءسىز ەر ادامنىڭ بويىنداعى قانداي قاسيەتىن جوعارى باعالايسىز؟
– بىرسوزدىلىك.
– ءسىز ايەل زاتىننىڭ بويىنداعى قاي قاسيەتتەردى باعالايسىز؟
– تابيعي قالپىن جوعارى باعالايمىن.
– ادام بويىنداعى ىزگى قاسيەتتەردىڭ قايسىسى ءسىز ءۇشىن تارتىمدى؟
– كەشىرىم.
– ءسىزدىڭ مىنەزىڭىزدىڭ باستى ەرەكشەلىگى قانداي؟
– مىنەزىمدە ەرەكشەلىك جوق.
– ءسىزدىڭ ەڭ سۇيىكتى ەرمەگىڭىز؟
– فۋتبول كورۋ.
– تانىمال ادامداردىڭ ىشىندەگى كىم بولعىڭىز كەلەدى؟
– ەشكىم.
– ءسىزدىڭ مىنەزىڭىزدىڭ باستى ەرەكشەلىگى قانداي؟
– جاۋاپ بەردىم.
– دوستارىڭىزدىڭ قانداي قاسيەتىن باعالايسىز؟
– مەنى بار بولمىسىممەن قابىلدايتىن قاسيەتتەرىن جوعارى قويامىن.
– ءسىزدىڭ ەڭ باستى كەمشىلىگىڭىز؟
– كوپ سويلەيمىن. وتىرىكتى دە ءجيى ايتامىن.
– ءسىزدىڭ باقىت تۋرالى ارمانىڭىز قانداي؟
– ۇلىمنىڭ ازامات بولۋىن كورۋ.
– ءسىز ءۇشىن ەڭ ۇلكەن باقىتسىزدىق نە بولار ەدى؟
– ماعىناسىز عۇمىر كەشۋ.
– ءسىز قانداي بولۋدى ارمانداعان ەدىڭىز؟
– بالا كەزىمدە اتقا مىنگەندى جاقسى كوردىم. بىراق ۇيدە جىلقى ۇستامادىق. سودان بولار قويشى بولۋدى ارمانداعان ەدىم.
– ءسىزدىڭ سۇيىكتى ءتۇسىڭىز؟
– ءتۇستى وتە سيرەك كورەم. ومىردەن ەرتە وتكەن دوسىمدى كورگىم كەلەدى.
– ءسىز ۇناتاتىن گۇل؟
– گۇلگە قىزىعۋشىلىعىم جوق.
– ءسىزدىڭ سۇيىكتى قۇسىڭىز؟
– قۇسقا دا اۋەستىگىم جوق.
– ءسىزدىڭ سۇيىكتى جازۋشىلارىڭىز؟
– ولاردىڭ قاتارى كوپ. دوستوەۆسكي، چەحوۆ، اۋەزوۆ، بىكوۆ ت.ب
– ءسىزدىڭ سۇيىكتى اقىندارىڭىز؟
– ولار دا كوپ. اباي، ماعجان، ءىلياس، قاسىم، مۇقاعالي، گۇلنار ت.ب
– سۇيىكتى ەسىمدەرىڭىز؟
– سۇيىكتى ەسىمدەر جوق.
– بارىنەن بەتەر نە نارسەنى جەك كورەسىز؟
– وتىرىكتى.
– ءسىز جەك كورەتىن تاريحي كەيىپكەرلەر؟
– لەنين، ستالين باستاعان قىزىل كوسەمدەر.
– ءسىز قايران قالاتىن اسكەري وقيعا?
– رجەۆتەگى شايقاس.
– ءسىز جوعارى باعالايتىن رەفورما؟
– 2000 جىلدىقتىڭ باسىندا جاساعان م. سااكاشۆيليدىڭ رەفورماسى.
– قانداي قاسيەتتى بويىڭىزعا دارىتقىڭىز كەلەدى؟
– يماندىلىق.
– قالاي ولگىڭىز كەلەدى؟
– ول قۇدايدىڭ ءىسى.
– ءدال قازىرگى كوڭىل كۇيىڭىز؟
– تاماشا!
– ءسىزدىڭ ۇرانىڭىز؟
ۇرانىم جوق.
ءسوز سوڭى
"اباي پورتالى" زامانداستارىمىزدى، جاس عالىمدار، جۋرناليستەر مەن قالامگەرلەردى مارسەل پرۋستتىڭ ساۋالناماسىنا جاۋاپ بەرىپ، سايتقا جىبەرۋگە شاقىرادى. ادام مەن ونىڭ كوزقاراسى وزگەرمەي تۇرمايدى. تاعى دا جىلدار وتكەننەن كەيىن ءوز جاۋاپتارىڭىزعا ءوزىڭىز تاڭ قالاتىن كەز تۋى دا ىقتيمال. امان بولساق، سول ساۋالداردى ون، جيىرما جىل وتكەن سوڭ قايتالاپ قوياتىن بولامىز.
قازىرگە دەيىن پرۋست ساۋالناماسىنا جاۋاپ بەرگەن ازاماتتار:
دايىنداعان تىلەك ىرىسبەك، باۋىرجان مايتاي
Abai.kz
