سارسەنبى, 12 تامىز 2020
COVID-19 قازاقستاندا. جۇقتىرعاندار — 100855. جازىلعاندار — 74677. قايتىس بولعاندار — 1269
1733 0 پىكىر 29 تامىز, 2018 ساعات 10:40

قازاقستان: بازالار مالىمەتىندە 1 ميلليوننان استام ادامنىڭ مارتەبەسى انىقتالماعان

قازاقستاننىڭ بەس ايماعىندا (تۇركىستان، الماتى، شىعىس-قازاقستان، جامبىل وبلىستارى مەن الماتى قالاسى) ءبىر ميلليوننان استام ادامنىڭ مارتەبەسى انىقتالماعان.

28 تامىزدا ۇكىمەت وتىرىسى كەزىندە قازاقستاننىڭ ەڭبەك جانە الەۋمەتتىك قورعاۋ ءمينيسترى ءمادينا ابىلقاسىموۆا جىل باسىندا 2,7 ميلليون ادامنىڭ ناقتى الەۋمەتتىك مارتەبەسى بولماعانىن، بۇگىندە 1,3 ميلليون ادامنىڭ مارتەبەسى انىقتالعانىن ايتتى. "سونداي-اق دەرەكقورلاردا قايتالاناتىن جەكە سايكەستەندىرۋ نومىرلەرى (جسن), مەرزىمى ءوتىپ كەتكەن قۇجاتتار انىقتالىپ جاڭارتىلدى", - دەدى ابىلقاسىموۆا.

پرەمەر-مينيستر باقىتجان ساعىنتاەۆ ەڭبەك مينيسترلىگى مەن وبلىس بيلىگىنە حالىقتىڭ ءوزىن-ءوزى قامتىپ جۇرگەندەردى تىركەۋدى جالعاستىرۋدى تاپسىردى.

2017 جىلدىڭ قىركۇيەك ايىندا پارلامەنت وتىرىسىنا قاتىسقان پرەزيدەنت نۇرسۇلتان نازارباەۆ ءوزىن-ءوزى قامتۋ سالىقتان قاشۋ دەپ، ۇكىمەتكە ولاردى كولەڭكەدەن شىعارۋدى تاپسىرعان.

قازاقستان حالقى سانى رەسمي ستاتيستيكا بويىنشا، 18 ميلليوننان اسادى. ەكى ميلليوننان استام ادام ءوزىن-ءوزى قامتيتىندار ساناتىنا جاتادى. جۇمىسسىزدار سانى رەسمي مالىمەت بويىنشا، 5 پايىزدان اسپايدى.

Abai.kz

0 پىكىر