Esentai Gallery كورمە زالىندا دەنيس تەننىڭ ۇلكەن جارىستارعا قاتىسقان ساتىندەگى جانە ءوزى تۇسىرگەن سۋرەتتەرى قويىلعان. دەنيس قىسقا عانا عۇمىرى ىشىندە قازاقستان تاريحىنداعى ەڭ ۇزدىك مانەرلەپ سىرعاناۋشى رەتىندە عانا ەمەس، مۋزىكانت ء(ان ايتاتىن، ءان جازاتىن), فوتوگراف رەتىندە دە ءوزىن تانىتقان. ول اۆتورلىق كينو ءتۇسىرۋدى دە جوسپارلاعان.

كورمەنىڭ اشىلۋىنا قازاق سسر-ءنىڭ حالىق ءارتىسى روزا رىمباەۆا كەلىپ، ءسوز سويلەدى. ول سوڭعى ون جىلدا ەكى رەت قاتتى جىلاعانىن مويىندادى: ءانشى ءارى كومپوزيتور باتىرحان شۇكەنوۆ پەن دەنيس تەن قازا تاپقاندا. روزا رىمباەۆا ولاردى قازىرگى زاماننىڭ باتىرلارى دەپ اتادى، ءبىرى – مۋزىكا سالاسىندا، ەكىنشىسى – سپورت سالاسىندا.

D10 WORLD كورمەسى 2 قىركۇيەككە دەيىن جۇمىس ىستەيدى. كورمەنى دەنيس تەننىڭ جاقىندارى مەن دوستارى ۇيىمداستىرعان.

19 شىلدەدە الماتىدا قازاقستاندىق مانەرلەپ سىرعاناۋشى، سوچي وليمپياداسىنىڭ قولا جۇلدەگەرى، ازيا ويىندارىنىڭ چەمپيونى دەنيس تەن پىشاق جاراقاتىنان اۋرۋحانادا قازا تاپقان. سپورتشى قالا ورتالىعىندا كولىگىنىڭ جانىندا الدەكىمدەر سالعان پىشاق جاراقاتىنان اۋرۋحاناعا جەتكىزىلگەن سوڭ قايتىس بولعان.

دەنيس تەننىڭ قازاسىنا كۇدىكتى رەتىندە 23 جاستاعى ارمان قۇدايبەرگەنوۆ پەن 1994 جىلى تۋعان نۇرالى قياسوۆ ۇستالعانى بەلگىلى بولعان. بۇعان قوسا، تاعى ءبىر كۇدىكتى قاماۋدا.

سپورتشىنىڭ قازاسىنان كەيىن قازاقستاندىقتار مينيستر قاسىموۆتىڭ وتستاۆكاعا كەتۋىن تالاپ ەتكەن.

Abai.kz