Esentai Gallery kórme zalynda Denis Tenning ýlken jarystargha qatysqan sәtindegi jәne ózi týsirgen suretteri qoyylghan. Denis qysqa ghana ghúmyry ishinde Qazaqstan tarihyndaghy eng ýzdik mәnerlep syrghanaushy retinde ghana emes, muzykant (әn aitatyn, әn jazatyn), fotograf retinde de ózin tanytqan. Ol avtorlyq kino týsirudi de josparlaghan.

Kórmening ashyluyna Qazaq SSR-ning halyq әrtisi Roza Rymbaeva kelip, sóz sóiledi. Ol songhy on jylda eki ret qatty jylaghanyn moyyndady: әnshi әri kompozitor Batyrhan Shýkenov pen Denis Ten qaza tapqanda. Roza Rymbaeva olardy qazirgi zamannyng batyrlary dep atady, biri – muzyka salasynda, ekinshisi – sport salasynda.

D10 WORLD kórmesi 2 qyrkýiekke deyin júmys isteydi. Kórmeni Denis Tenning jaqyndary men dostary úiymdastyrghan.

19 shildede Almatyda qazaqstandyq mәnerlep syrghanaushy, Sochy olimpiadasynyng qola jýldegeri, Aziya oiyndarynyng chempiony Denis Ten pyshaq jaraqatynan auruhanada qaza tapqan. Sportshy qala ortalyghynda kóligining janynda әldekimder salghan pyshaq jaraqatynan auruhanagha jetkizilgen song qaytys bolghan.

Denis Tenning qazasyna kýdikti retinde 23 jastaghy Arman Qúdaybergenov pen 1994 jyly tughan Núraly Qiyasov ústalghany belgili bolghan. Búghan qosa, taghy bir kýdikti qamauda.

Sportshynyng qazasynan keyin qazaqstandyqtar ministr Qasymovtyng otstavkagha ketuin talap etken.

Abai.kz