مەملەكەت باسشىسى نۇرسۇلتان نازارباەۆ ءوزىنىڭ بەيسەنبى كۇنگى وڭتۇستىك قازاقستان وبلىسىنا جۇمىس ساپارى بارىسىندا 2010 جىلدىڭ جەلتوقسان ايىندا شىمكەنتتىڭ «نۇرسات» ىقشام اۋدانىندا سالىنعان جاڭا №4 پەريناتالدىق ورتالىقتىڭ جۇمىسىمەن تانىستى.

وقو اكىمدىگىنىڭ ءباسپاسوز قىزمەتىنەن حابارلاعانداي، پەريناتالدىق ورتالىقتىڭ قۇرىلىسى بىرىككەن اراب امىرلىكتەرىندەگى شەيح حاليف بەن زايد ءال ناحاياننىڭ قورىمەن قارجىلاندىرىلدى. «جوبانىڭ قۇنى 25 ملن. 530 مىڭ دوللاردى قۇرادى»، - دەلىنگەن ءباسپاسوز قىزمەتى تاراتقان اقپاراتتا.

№4 پەريناتالدىق ورتالىق 120 كەرەۋەتكە شاقتالعان. قر پرەزيدەنتىنە ورتالىقتىڭ باس دارىگەرى لەيلا ۇكىباەۆا حابارلاعانداي، وندا 80 كەرەۋەتتىك بوسانۋ بولىمشەسى جۇمىس جاسايدى، ونىڭ ىشىندە 12 كەرەۋەت ەرەسەكتەر رەانيماتسياسى جانە 9 كەرەۋەت جاڭا تۋعان نارەستەلەر رەانيماتسياسىنا تيەسىلى. ەكىقابات ايەلدەر پاتولوگياسى، گينەكولوگيا مەن جاڭا تۋعان نارەستەلەردى ومىرگە بەيىمدەۋدىڭ ەكىنشى ساتىلىق بولىمشەلەرى بار. «بالالار رەانيماتسياسى بولىمشەسىنە رەانيماتسيالىق جانە بەلسەندى ەمدەۋدى قاجەت ەتەتىن 28 كۇندىك ءومىرى بار سابيلەر كەلىپ تۇسەدى. ەمدەۋدىڭ ەكىنشى ساتىسى - سالماعى از سابيلەر مەن بەلسەندى تەراپيا العاندار جانە ودان ءارى بەلسەندى تەراپياسىز نەوناتالدىق باقىلاۋدى قاجەت ەتەتىن سابيلەرگە قاتىستى»، - دەيدى ل.ۇكىباەۆا. سونىمەن قاتار ورتالىقتا كەڭەس بەرۋ-تەكسەرۋ بلوگى دا جۇمىس جاسايدى.

مەملەكەت باسشىسى نۇرسۇلتان نازارباەۆ ءوزىنىڭ بەيسەنبى كۇنگى وڭتۇستىك قازاقستان وبلىسىنا جۇمىس ساپارى بارىسىندا 2010 جىلدىڭ جەلتوقسان ايىندا شىمكەنتتىڭ «نۇرسات» ىقشام اۋدانىندا سالىنعان جاڭا №4 پەريناتالدىق ورتالىقتىڭ جۇمىسىمەن تانىستى.

وقو اكىمدىگىنىڭ ءباسپاسوز قىزمەتىنەن حابارلاعانداي، پەريناتالدىق ورتالىقتىڭ قۇرىلىسى بىرىككەن اراب امىرلىكتەرىندەگى شەيح حاليف بەن زايد ءال ناحاياننىڭ قورىمەن قارجىلاندىرىلدى. «جوبانىڭ قۇنى 25 ملن. 530 مىڭ دوللاردى قۇرادى»، - دەلىنگەن ءباسپاسوز قىزمەتى تاراتقان اقپاراتتا.

№4 پەريناتالدىق ورتالىق 120 كەرەۋەتكە شاقتالعان. قر پرەزيدەنتىنە ورتالىقتىڭ باس دارىگەرى لەيلا ۇكىباەۆا حابارلاعانداي، وندا 80 كەرەۋەتتىك بوسانۋ بولىمشەسى جۇمىس جاسايدى، ونىڭ ىشىندە 12 كەرەۋەت ەرەسەكتەر رەانيماتسياسى جانە 9 كەرەۋەت جاڭا تۋعان نارەستەلەر رەانيماتسياسىنا تيەسىلى. ەكىقابات ايەلدەر پاتولوگياسى، گينەكولوگيا مەن جاڭا تۋعان نارەستەلەردى ومىرگە بەيىمدەۋدىڭ ەكىنشى ساتىلىق بولىمشەلەرى بار. «بالالار رەانيماتسياسى بولىمشەسىنە رەانيماتسيالىق جانە بەلسەندى ەمدەۋدى قاجەت ەتەتىن 28 كۇندىك ءومىرى بار سابيلەر كەلىپ تۇسەدى. ەمدەۋدىڭ ەكىنشى ساتىسى - سالماعى از سابيلەر مەن بەلسەندى تەراپيا العاندار جانە ودان ءارى بەلسەندى تەراپياسىز نەوناتالدىق باقىلاۋدى قاجەت ەتەتىن سابيلەرگە قاتىستى»، - دەيدى ل.ۇكىباەۆا. سونىمەن قاتار ورتالىقتا كەڭەس بەرۋ-تەكسەرۋ بلوگى دا جۇمىس جاسايدى.

پەرزەنتحانا جىلىنا 6 مىڭعا جۋىق ايەلدى بوساندىرىپ، وسى امبۋلاتورلىق ۋچاسكەدە تۇرىپ جاتقان 72 مىڭنان استام ايەلگە امبۋلاتورلىق ەمحانالىق كومەك كورسەتە الادى دەپ جوسپارلانىپ وتىر. №4 پەريناتالدىق ورتالىعى تەكسەرۋدىڭ جانە ەمدەۋدىڭ جوعارى تەحنولوگيالىق ادىستەرىن قولدانا الۋى ءۇشىن قازىرگى زامان تالابىنا ساي جابدىقتارمەن قامتاماسىز ەتىلگەن. جابدىقتاردىڭ قۇنى - 5 ملن. 530 مىڭ دوللاردى قۇرايدى.

قر پرەزيدەنتى وسى قازىرگى زامانعى جابدىقتاردى مەيلىنشە ءتيىمدى پايدالانا الۋى ءۇشىن دارىگەرلەردىڭ ءبىلىمى مەن بىلىكتىلىگى ساي بولۋى قاجەتتىگىن اتاپ ءوتتى. مەملەكەت باسشىسى 2013 جىلى ەڭ الدىمەن ايەلدەر مەن بالالار اۋرۋىنىڭ الدىن الۋ جۇيەسى باستى باعىتتارىنىڭ ءبىرى بولىپ سانالاتىن بىرەگەي ۇلتتىق دەنساۋلىق ساقتاۋ جۇيەسىنىڭ ەنگىزىلۋى اياقتالاتىنىن دا ەسكە سالا كەتتى.