2018 جىلعى 1 تامىزدان باستاپ «حابار» اگەنتتىگى «Junior Eurovision Song Contest» حالىقارالىق ءان بايقاۋىنا قاتىسۋ ءۇشىن ۇمىتكەرلەردىڭ رەسپۋبليكالىق ىرىكتەۋىن باستايدى، - دەپ حابارلايدى اباي-اقپارات.

وتىنىمدەردى قابىلداۋ www.khabar.kz سايتىندا 2018 جىلعى 31 تامىزعا دەيىن جالعاسادى.

قاتىسۋ ءۇشىن ۇمىتكەر ونلاين-ساۋالنامانى تولتىرۋى، ءوز ءانىن، فوتوسۋرەتىن، تۋ تۋرالى كۋالىگىنىڭ سكانەرلەنگەن كوشىرمەسىن، اتا-اناسىنىڭ/قامقورشىسىنىڭ بايقاۋعا قاتىسۋعا بەرگەن رۇقساتناماسىن، سونداي-اق ءاننىڭ اۆتورلىعى تۋرالى ءوتىنىشىن جۇكتەۋى قاجەت.

سونداي-اق بايقاۋعا 6 ادامعا دەيىنگى ۇجىمدار دا قاتىسا الادى. توپ قاتىسۋشىلارى ءۇشىن دە قويىلاتىن تالاپتار بىردەي.

2018 جىلعى 7 قىركۇيەكتە «حابار» اگەنتتىگى رەسپۋبليكالىق ىرىكتەۋدىڭ ءبىرىنشى كەزەڭىنەن وتكەن فيناليستەردىڭ ەسىمدەرىن حابارلايدى.

2018 جىلعى 22 قىركۇيەك كۇنى فيناليستەر «حابار» تەلەارناسىندا تىكەلەي ەفيردە وتەتىن گالا-كونتسەرتكە قاتىسادى. جەڭىمپاز كورەرمەننىڭ داۋىس بەرۋى ارقىلى انىقتالادى.

رەسپۋبليكالىق ىرىكتەۋدىڭ جەڭىمپازىن 2018 جىلى 25 قاراشادا مينسكتە وتەتىن فينالعا دايىندىق كۇتەدى. قاتىسۋشىنى مينسكتەگى بايقاۋعا دايىنداۋمەن «حابار» اگەنتتىگى اينالىسادى.

انىقتاما: «Junior Eurovision Song Contest» حالىقارالىق ءان بايقاۋى 9 جاستان باستاپ 14 جاسقا دەيىنگى ورىنداۋشىلار قاتىساتىن «ەۆروۆيدەنيەنىڭ» انالوگى. 15 جىلدىق تاريحى بار بايقاۋعا ەلىمىز العاش رەت قاتىسقالى وتىر. ءدۇبىرلى دودانى قازاقستان اۋماعىندا «حابار» تەلەارناسى ترانسلياتسيالايدى. «حابار» اگەنتتىگى 2016 جىلعى 1 قاڭتاردان باستاپ ءىس-شارانى ۇيىمداستىراتىن ەۋروپالىق حابار تاراتۋ وداعىنىڭ (EBU) قاۋىمداسقان مۇشەسى بولىپ تابىلادى، بۇل مۇشەلىك اتالعان بايقاۋعا قاتىسۋ ءۇشىن ەلدەن ۇمىتكەر ۇسىنۋعا مۇمكىندىك بەردى.

بيىل جارىسقا 19 ەل قاتىسادى، بۇل جارىس تاريحىنداعى رەكوردتىق كورسەتكىش. ولاردىڭ قاتارىندا البانيا، ارمەنيا، اۆستراليا، ءازىربايجان، بەلارۋس، فرانتسيا، ماكەدونيا، گرۋزيا، يرلانديا، يزرايل، يتاليا، قازاقستان، مالتا، پولشا، پورتۋگاليا، رەسەي، سەربيا، نيدەرلاندى، ۋەلس بار. قازاقستانمەن  قاتار ۋەلس ءۇشىن دە بيىلعى بايقاۋ دەبيۋتتى بولماق.

Abai.kz