2018 jylghy 1 tamyzdan bastap «Habar» agenttigi «Junior Eurovision Song Contest» halyqaralyq әn bayqauyna qatysu ýshin ýmitkerlerding respublikalyq irikteuin bastaydy, - dep habarlaydy Abay-aqparat.

Ótinimderdi qabyldau www.khabar.kz saytynda 2018 jylghy 31 tamyzgha deyin jalghasady.

Qatysu ýshin ýmitker onlayn-saualnamany toltyruy, óz әnin, fotosuretin, tuu turaly kuәligining skanerlengen kóshirmesin, ata-anasynyn/qamqorshysynyng bayqaugha qatysugha bergen rúqsatnamasyn, sonday-aq әnning avtorlyghy turaly ótinishin jýkteui qajet.

Sonday-aq bayqaugha 6 adamgha deyingi újymdar da qatysa alady. Top qatysushylary ýshin de qoyylatyn talaptar birdey.

2018 jylghy 7 qyrkýiekte «Habar» agenttigi Respublikalyq irikteuding birinshi kezeninen ótken finalisterding esimderin habarlaydy.

2018 jylghy 22 qyrkýiek kýni finalister «Habar» telearnasynda tikeley efirde ótetin gala-konsertke qatysady. Jenimpaz kórermenning dauys berui arqyly anyqtalady.

Respublikalyq irikteuding jenimpazyn 2018 jyly 25 qarashada Minskte ótetin finalgha dayyndyq kýtedi. Qatysushyny Minsktegi bayqaugha dayyndaumen «Habar» Agenttigi ainalysady.

Anyqtama: «Junior Eurovision Song Contest» halyqaralyq әn bayqauy 9 jastan bastap 14 jasqa deyingi oryndaushylar qatysatyn «Evroviydeniyenin» analogy. 15 jyldyq tarihy bar bayqaugha elimiz alghash ret qatysqaly otyr. Dýbirli dodany Qazaqstan aumaghynda «Habar» telearnasy translyasiyalaydy. «Habar» Agenttigi 2016 jylghy 1 qantardan bastap is-sharany úiymdastyratyn Europalyq habar taratu odaghynyng (EBU) qauymdasqan mýshesi bolyp tabylady, búl mýshelik atalghan bayqaugha qatysu ýshin elden ýmitker úsynugha mýmkindik berdi.

Biyl jarysqa 19 el qatysady, búl jarys tarihyndaghy rekordtyq kórsetkish. Olardyng qatarynda Albaniya, Armeniya, Avstraliya, Ázirbayjan, Belarusi, Fransiya, Makedoniya, Gruziya, Irlandiya, Izraili, Italiya, Qazaqstan, Malita, Polisha, Portugaliya, Resey, Serbiya, Niyderlandy, Uelis bar. Qazaqstanmen  qatar Uelis ýshin de biylghy bayqau debutti bolmaq.

Abai.kz