ولاردان "كسرو" ۇيىمىنىڭ قىزمەتۋ تۋرالى اۋديو جانە ۆيدەوماتەريالدار، جارعى قۇجاتتارى، مورلەر مەن تيپوگرافيالىق ونىمدەر تاركىلەنگەن. "ەكسترەميستىك قىزمەتكە كوپشىلىكتى شاقىرۋ" بابى بويىنشا قىلمىستىق ءىس قوزعالدى.
تىنتۋدەن سوڭ تاراسكين مەن سولوۆەۆ تەرگەۋ كوميتەتىنە جەتكىزىلىپ، ولاردى كۋاگەر رەتىندە تەرگەدى.
"كسرو" قوزعالىسى تۋرالى 2010 جىلى بەلگىلى بولعان. "مەديازونا" باسىلىمىنىڭ مالىمەتىنە قاراعاندا، بۇعان دەيىن ءتىس دارىگەرى بولعان سەرگەي تاراسكين ەكى جىل بۇرىن زەلەنوگرادتا جەكە كلينيكاسىن اشقان، بىراق قارجى داعدارىسىنا بايلانىستى ول جابىلىپ قالعان. كاسىپكەر قالا بيلىگىمەن سوتتاسىپ، ءبىر وتىرىسىندا ءوزىن "كسرو پرەزيدەنتى قىزمەتىن ۋاقىتشا اتقارۋشى" رەتىندە تانىستىرعان. بۇعان قوسا ول كەڭەس وداعىنىڭ العاشقى جانە سوڭعى پرەزيدەنتى ميحايل گورباچەۆتى "دەزەرتير" دەپ اتاعان.
سودان كەيىن تاراسكين ءوز ۇيىمىن قۇرىپ، جاقتاستارىمەن "كسرو ۇكىمەتى ۇيىمداستىرعان" اقىلى سەمينارلاردا كەزدەسىپ تۇرعان.
Abai.kz
