جەكسەنبى, 9 تامىز 2020
COVID-19 قازاقستاندا. جۇقتىرعاندار — 98701. جازىلعاندار — 72273. قايتىس بولعاندار — 1058
1499 0 پىكىر 25 شىلدە, 2018 ساعات 11:15

بەلارۋستەر شەتەلدىكتەرگە 30 كۇنگە دەيىن ۆيزاسىز جۇرۋگە رۇقسات بەردى

پرەزيدەنت الەكساندر لۋكاشەنكو 24 شىلدەدە 80 ەلدەن كەلەتىن تۋريستەرگە بەلارۋس اۋماعىندا 30 كۇنگە دەيىن ۆيزاسىز جۇرۋگە رۇقسات بەرەتىن جارلىققا قول قويدى. اتالعان مەملەكەتتەر ىشىندە ەۋروپا، اقش، اۆستراليا جانە جاپونيا بار.

لۋكاشەنكو قول قويعان جارلىق بۇقارالىق اقپارات قۇرالدارىندا جاريالانعان كۇننەن باستاپ كۇشىنە ەنەدى. قۇجاتتا جاڭا ەرەجە تۋريستىك سالانى دامىتىپ، ەلدى سپورت جارىستارى مەن فەستيۆال وتكىزۋگە تارتىمدى ءارى قولايلى ەتۋ كەرەك دەلىنگەن.

30 كۇندىك ۆيزاسىز جۇيە بەلارۋس استاناسى مينسكىدەگى باس اۋەجاي ارقىلى ۇشىپ كەلىپ، ۇشىپ كەتەتىن تۋريستەرگە ارنالعان. جاڭا ەرەجە بەلارۋس-رەسەي شەكاراسى ارقىلى وتەتىن تۋريستەرگە جۇرمەيدى. سەبەبى، وندا باقىلاۋ بەكەتى تەكسەرۋگە ارنالعان زاماناۋي تەحنولوگيامەن قامتاماسىز ەتىلمەگەن.

Abai.kz

0 پىكىر