قىزىلوردا. 26 قاڭتار. قازاقپارات /جاڭاگۇل سەردالى/ - كەشە  وبلىس اكىمى بولاتبەك قۋاندىقوۆ جاقىندا  ءتىلسىز جاۋ - ورتتەن امان قالعان قىستاۋباەۆتاردىڭ بۇلدىرشىندەرى جاتقان وبلىستىق بالالار اۋرۋحاناسىندا بولىپ، ولاردىڭ جاعدايىمەن تانىستى.

الاپات جالىن كەزىندە باۋىرلارىن وتتان قۇتقارعان وسى وتباسىنىڭ ورتانشى قىزى دينارانىڭ ەرلىگىنە ءتانتى بولعان ايماق باسشىسى بۇل وتباسىنا قالا ورتالىعىنان ءۇش بولمەلى پاتەر بەرەتىنىن جەتكىزدى.

بۇل وقيعا اقپاننىڭ جيىرماسى كۇنى سابالاق ساياجايىندا تۇنگى ون شاماسىندا ورىن الادى. وتاعاسى جاڭبىرباي مەن جۇبايى ميرامكۇل جۇمىسسىز. ساياجايداعى پاتەردى ۋاقىتشا جالعا العان. اتا-اناسى وقيعا ورىن الاتىن كۇنى وتىن ساتۋعا كەتكەن. ۇيدە ءتورت بىردەي ءبۇلدىرشىن ۇيقىدا بولعان. اۋىزعى بولمەدەگى ءورتتى كورگەن ەكىنشى قىز دينارا وڭداسىن الدىمەن 11 جاستاعى مايرانى وياتادى. تەرەزەنى سىندىرعان ول بەستەگى ءجاسميندى، سوسىن ءۇش ايلىق ءسىڭلىسى ايسانانى وتقا ورانعان ۇيدەن امان-ەسەن الىپ شىعادى.

بۇگىندە اناسىمەن بىرگە وبلىستىق اۋرۋحانادا ەم الىپ جاتقان كىشكەنتايلاردىڭ جاعدايى ءبىر قالىپتى. ولاردىڭ ءحالىن بىلۋگە بارعان وبلىس اكىمى ولاردى سىي- سىياپاتتان كەندە قالدىرمادى. تاتتىلەر مەن جۇمساق ويىنشىقتاردى الا كەلگەن ول ەرلىك جاساعان ديناراعا العىسىن ءبىلدىردى.

قىزىلوردا. 26 قاڭتار. قازاقپارات /جاڭاگۇل سەردالى/ - كەشە  وبلىس اكىمى بولاتبەك قۋاندىقوۆ جاقىندا  ءتىلسىز جاۋ - ورتتەن امان قالعان قىستاۋباەۆتاردىڭ بۇلدىرشىندەرى جاتقان وبلىستىق بالالار اۋرۋحاناسىندا بولىپ، ولاردىڭ جاعدايىمەن تانىستى.

الاپات جالىن كەزىندە باۋىرلارىن وتتان قۇتقارعان وسى وتباسىنىڭ ورتانشى قىزى دينارانىڭ ەرلىگىنە ءتانتى بولعان ايماق باسشىسى بۇل وتباسىنا قالا ورتالىعىنان ءۇش بولمەلى پاتەر بەرەتىنىن جەتكىزدى.

بۇل وقيعا اقپاننىڭ جيىرماسى كۇنى سابالاق ساياجايىندا تۇنگى ون شاماسىندا ورىن الادى. وتاعاسى جاڭبىرباي مەن جۇبايى ميرامكۇل جۇمىسسىز. ساياجايداعى پاتەردى ۋاقىتشا جالعا العان. اتا-اناسى وقيعا ورىن الاتىن كۇنى وتىن ساتۋعا كەتكەن. ۇيدە ءتورت بىردەي ءبۇلدىرشىن ۇيقىدا بولعان. اۋىزعى بولمەدەگى ءورتتى كورگەن ەكىنشى قىز دينارا وڭداسىن الدىمەن 11 جاستاعى مايرانى وياتادى. تەرەزەنى سىندىرعان ول بەستەگى ءجاسميندى، سوسىن ءۇش ايلىق ءسىڭلىسى ايسانانى وتقا ورانعان ۇيدەن امان-ەسەن الىپ شىعادى.

بۇگىندە اناسىمەن بىرگە وبلىستىق اۋرۋحانادا ەم الىپ جاتقان كىشكەنتايلاردىڭ جاعدايى ءبىر قالىپتى. ولاردىڭ ءحالىن بىلۋگە بارعان وبلىس اكىمى ولاردى سىي- سىياپاتتان كەندە قالدىرمادى. تاتتىلەر مەن جۇمساق ويىنشىقتاردى الا كەلگەن ول ەرلىك جاساعان ديناراعا العىسىن ءبىلدىردى.

سونىمەن قاتار وبلىستىق ءبىلىم باسقارماسى باستىعىنا دينارانىڭ اتىنا ءبىر بانكتەن ەسەپشوت اشۋدى تاپسىردى. ونىڭ العاشقى سالىمشىسى ءوزى بولاتىنىن دا جەتكىزدى. تاسبوگەت كەنتىندەگى №176 مەكتەپتە وقيتىن ءبۇلدىرشىننىڭ بولاشاعى ءۇشىن جينالاتىن قور بولۋعا ءتيىس ەكەندىگىن دە ايتتى. وتاعاسىن ماماندىعى بويىنشا جۇمىسپەن قامتاماسىز ەتۋدى دە وبلىس اكىمى ءوز موينىنا الدى. ال ءبىر اپتا ىشىندە   ۇش بولمەلى ءۇيدىڭ كىلتى قىستاۋباەۆتار وتباسىنا سالتاناتتى جاعدايدا تابىستالادى.