"تۇركىمەن بيلىگىنىڭ شەتەلدە ەسكى تولقۇجاتپەن جۇرگەن ازاماتتار ەلگە ورالسا، جاۋاپقا تارتىلمايدى دەگەن ۋادەسىنە سەنىپ، تۇركيادان ورالعان ازاماتتار جاپپاي ۇستالىپ جاتىر. ماعان 20 شاقتى وقيعانى جەتكىزدى. ولاردىڭ بارىندە مەرزىمى وتكەن ەسكى تولقۇجات بولعان. ولار قازىر تەرگەۋ اباقتىسىندا وتىر", – دەدى ءتىلشى.

شەتەلدەن ورالعانداردىڭ دەنى لەباپ جانە داشوگۋز وبلىسىنىڭ ازاماتتارى ەكەن. "ولار اۋەجايدان تۇسكەندە، دابىرا بولماس ءۇشىن تيىسپەگەن. ۇيلەرىنە جەتكەن كەزدە، بىردەن ۇستاپ الىپ كەتكەن", – دەيدى ازاتلىك ءتىلشىسى.

سوڭعى ايدا تۇركىمەنستاننىڭ بارلىق ايماعىندا جەرگىلىكتى بيلىك وكىلدەرى حالىقتى جيناپ، تۋىستارىنىڭ ەلگە ورالۋىن سۇراپ، ەلگە ورالسا، جاۋاپكەرشىلىككە تارتىلمايدى دەپ ۋادە بەرگەن.

2008 جىلى تۇركىمەنستان شەتەلگە شىعۋعا ارنالعان ارنايى تولقۇجات ەنگىزگەن. وسىعان دەيىن تۇركىمەن ازاماتتارى بىرىڭعاي ۇلتتىق تولقۇجاتپەن ساياحاتتاۋعا مۇمكىندىك العان. ازاماتتار جاڭا تولقۇجات الۋ ءۇشىن تۇركىمەنستانعا كەلىپ، ميگراتسيالىق مەكەمەگە ءوتىنىش ءتۇسىرۋ كەرەك.

Abai.kz