شۋحراتيللا نوسيروۆتىڭ تۋىستارىنىڭ ايتۋىنشا، ونىمەن بىرگە 62 جاستاعى اعاسى شاۆكات نوسيروۆ، 55 جاستاعى قارىنداسى گۇلنار راسۋلوۆا دا ۇستالعان.

شۋحراتيللا نوسيروۆ ءبىرىنشى رەت 1993 جىلى ۇستالىپ، "قىلمىستىق توپ قۇردى", "تونادى" دەگەن ايىپپەن 23,5 جىلعا سوتتالىپ، تۇرمەدە وتىرىپ شىققان.

ءىىم قىزمەتكەرىنىڭ حابارلاۋىنشا، تاشكەنتتە ونى ۇستاۋ ءۇشىن ارنايى وپەراتسيا جۇرگەن.

"قارا ماسكا كيگەن ونداعان ادام ماحاللانى قورشاپ تۇردى. ارنايى وپەراتسيا 7-8 ساعاتقا سوزىلعان. الدىمەن ارنايى قىزمەت وكىلدەرى شۋحراتيللانىڭ اعاسى شاۆكات نوسيروۆتى ۇستادى. ونىڭ قولىنا كىسەن سالىپ، الىپ كەتتى. سوسىن شۋحرات نوسيروۆتىڭ ۇيىنە باسىپ كىرىپ، ءتىنتۋ جۇرگىزىپ، ءوزىن الىپ كەتتى", – دەيدى نوسيروۆتاردىڭ تۋىستارىنىڭ ءبىرى.

قىلمىس الەمى بەدەلدىسىنىڭ كورشىسى اعايىندى نوسيروۆتاردى جيەنى باحادىر شاروپوۆتىڭ شاعىمى بويىنشا ۇستاعانىن ايتادى. ال باحادىر شاروپوۆتىڭ ءوزى بۇل اقپاراتتى تەرىسكە شىعارادى. "مەن ەشكىمگە شاعىمدانعان جوقپىن. كەرىسىنشە، شاۆكات-اكا مەن شۋحرات-اكا ماعان قارسى ءوتىنىش جازعان. ولار ماعان جالا جاپتى. سول ءۇشىن ولاردى ۇستادى", – دەيدى ول.

Abai.kz