زاڭنىڭ جاڭا ءماتىنى 19 ماۋسىمدا مەملەكەتتىك باسىلىمداردا جارىق كورگەن. وندا 7-باپتا "تۇركىمەنستاندا كوپ ايەل الۋعا تىيىم سالىنادى" دەپ، "كوپ ايەل الۋشىلىق دەگەنىمىز - ورتاق شارۋاشىلىق ەنگىزىپ، ەكى نە بىرنەشە ايەلمەن بىرگە تۇرۋ" دەپ تۇسىندىرگەن.
زاڭ 2018 جىلدىڭ 1 قىركۇيەگىنەن باستاپ كۇشىنە ەنەدى.
2012 جىلى قابىلدانعان وتباسىلىق كودەكسىندە باستاپقىدا ەكىنشى نەكەگە تىيىم سالىنعان. ەندى "كوپ ايەل الۋشىلىق" تەرمينى ەنگىزىلدى.
تۇركىمەنستاننىڭ قىلمىستىق كودەكسىندە ەكى نەكەگە تۇرعاندارعا ەكى جىلعا دەيىن قوعامدىق جۇمىسقا تارتۋ نەمەسە ءىرى كولەمدە ايىپپۇل سالۋ قاراستىرىلعان.
بىراق تىيىمعا قاراماستان، جەرگىلىكتى تۇرعىنداردىڭ ايتۋىنشا، كوپ ايەل الۋ ەلدە كەڭ ەتەك جايعان.
Abai.kz
