مامىردىڭ 4-ءى كۇنى پاۆلودار قالالىق №2 سوتى تۇرمە جازاسىن شارتتى تۇرگە اۋىستىرعان. سوت وتكەن كۇنى ادۆوكات تولەگەن شايكوۆ "ەلەۋسىنوۆتىڭ تۋىستارى مەملەكەت الدىنداعى شىعىنداردى وتەگەنىن" ايتقان.
ءامين ەلەۋسىنوۆتى مۇنايشىلاردىڭ قازاقستان تاۋەلسىز كاسىپوداقتارى كونفەدەراتسياسىن جابۋعا قارسى اشتىق اكتسياسى كەزىندە ۇستاعان. كاسىپوداقتىڭ ماڭعىستاۋ وبلىسىنداعى فيليالدارىن بيلىك بەلگىلەگەن مەرزىمگە دەيىن تىركەلمەگەنى ءۇشىن جاپپاق بولعان. اقتاۋدا جانە قالامقاس پەن جەتىباي كەنىشتەرىندە وتكەن نارازىلىق اكتسيالارىنا جۇزدەگەن مۇنايشى قاتىسقان.
2017 جىلى ساۋىردە استانا قالاسىنىڭ الماتى اۋداندىق 2-سوتى ءامين ەلەۋسىنوۆتى "كاسىپوداقتىڭ سەنىپ تاپسىرعان قارجىسىن جىمقىردى" جانە "پوليتسەيلەرگە ءتىل تيگىزدى، باعىنبادى جانە ولارعا كۇش قولداندى" دەگەن ايىپتارمەن ەكى جىلعا سوتتاعان.
ەلەۋسىنوۆپەن بىرگە كومپانيا كاسىپوداعىنىڭ ەڭبەك ينسپەكتورى نۇربەك قۇشاقباەۆ تا جازالانعان. نۇربەك قۇشاقباەۆ "زاڭسىز ەرەۋىلدى جالعاستىرۋعا ارانداتتى" دەگەن ايىپپەن ەكى جارىم جىلعا تۇرمەگە قامالعان.
مامىردىڭ 11-ءى كۇنى پاۆلودار قالالىق №2 سوتى قۇشاقباەۆتى دا تۇرمەدەن بوساتۋ تۋرالى شەشىم قابىلداعان.
Abai.kz
