مالىمدەمەدە كوميتەت وكىلدەرىنىڭ اقپارات كوزدەرى مەن تالداۋ جۇمىستارىن زەرتتەۋگە 14 اي جۇمساعانى جانە اقش-تىڭ بارلاۋ قىزمەت وكىلدەرىنىڭ قورىتىندىلارىنا قارسى دايەك تاپپاعانى اتاپ كورسەتىلگەن.
مالىمدەمەدە پرەزيدەنت ۆلاديمير پۋتين بۇيرىعىمەن رەسەيدىڭ دونالد ترامپقا كومەكتەسىپ، حيللاري كلينتونعا زيان تيگىزۋ ماقساتىندا اۋقىمدى تۇردە قاتتى كۇش سالعانى باياندالعان.
مارك ۋورنەردىڭ اتىنان جاريالانعان مالىمدەمەدە پرەزيدەنت ۆلاديمير پۋتين بۇيرىعىمەن رەسەيدىڭ دونالد ترامپقا كومەكتەسىپ، حيللاري كلينتونعا زيان تيگىزۋ ماقساتىندا اۋقىمدى تۇردە قاتتى كۇش سالعانى باياندالعان.
2017 جىلى قاڭتار ايىندا جاريالانعان باياندامادا اقش-تىڭ ارنايى قىزمەتى رەسەي حاكەرلىكپەن جانە ۇگىت-ناسيحات جۇرگىزۋمەن اينالىسىپ، 2016 جىلعى داۋىس بەرۋگە اسەر ەتپەك بولدى دەگەن قورىتىندى جاساعان ەدى. ماسكەۋ مۇنداي ايىپتى بىرنەشە مارتە جوققا شىعارعان.
بەرر مەن ۋورنەردىڭ مالىمدەمەلەرى جاريالاناردان الدىن - 27 ساۋىردە وكىلدەر پالاتاسىنىڭ بارلاۋ جونىندەگى كوميتەتىندەگى رەسپۋبليكاشىلدار بايانداماسىن تانىستىرعان. وندا رەسەيدىڭ اقش قوعامىنا ىرىتكى سالۋ ماقساتىندا الەۋمەتتىك جەلىلەردى، كيبەرشابۋىلدار مەن سايتتاردى بۇزۋ سياقتى تاسىلدەردى قولدانعانى، ايتكەنمەن مۇنداي ارەكەتتەر ۇزاق ۋاقىت بويى جالعاسىپ كەلە جاتقانى ايتىلعان. وسىلايشا رەسەيدىڭ سايلاۋ قورىتىندىسىنا اسەر ەتۋى مۇمكىن ەمەس دەپ قورىتىندى جاساعان ەدى.
وكىلدەر پالاتاسىنىڭ بايانداماسىندا ماسكەۋ ترامپقا دەموكرات قارسىلاسىن باسىپ وزۋعا كومەكتەسكەن-كومەكتەسپەگەنىن انىقتاۋ ءۇشىن اقش-تىڭ ارنايى قىزمەتى وزىق ادىستەرگە جۇگىنبەدى دەپ سىنادى.
Abai.kz
