ەلباسىنىڭ بيلىگىن 2020 جىلعا دەيىن ۇزارتۋ جونىندە رەفەرەندۋم وتكىزۋدى قولداۋشىلاردىڭ تىرلىگى زاڭسىز بولىپ تابىلدى. كونستيتۋتسيالىق كەڭەس وسىنداي شەشىم شىعاردى. زاڭ  شىعارۋشى پارلامەنتتىڭ زاڭى اتازاڭعا سايكەس كەلمەيدى. وندا ونداي پارلامەنت ءوزىن-ءوزى تاراتىپ جىبەرۋى كەرەك قوي، تيتتەي ۇياتتارى بولسا... ەندەشە وسىنداي زاڭسىز رەفورما وتكىزۋدىڭ نەگىزگى ساياسي ۇيىمى «نۇروتان» پارتياسىنىڭ ساياسي بىلىكتىلىگى جونىندە دە ماسەلە قويىلۋى كەرەك سەكىلدى... ياعني، بۇنىڭ ءبارى  ەلباسى ن.نازارباەۆتىڭ ۇستانىمىنا بايلانىستى تۋىنداپ وتىرعان جايت ەكەنىن تىرناق استىنان  كىر ىزدەۋشىلەرگە ەسكەرتە كەتكەنىمىز ءجون. وسكەمەنگە سوناۋ پاريجدەن ايلىق الىپ وتىرعان جۇمىسىن جيىپ قويىپ، ەبىل-دەبىل بولىپ ۇشىپ كەلگەن ولجاس سۇلەيمەنوۆ باستاعان «قايراتكەرلەر»، مىرزاتاي مىرزا باستاعان «اقساقالدار» ەندى ەل بەتىنە قالاي قارايدى؟  نە دەگەنمەن دە بۇل جەردە ەلباسى ەكى جەپ بيگە شىقتى... جاعىمپازدار جارىسى ەشقانداي جەڭىمپازسىز شاڭ قاۋىپ قالۋمەن اياقتالدى... ساياساتتاعى ايانىشتى جاعدايدى ەلباسىنىڭ ءوزى جۇباتتى-مەرزىمىنەن بۇرىن پرەزيدەنت سايلاۋى بولاتىن بولدى. سايلاۋ شامامەن 1 مامىرعا دەيىن ءوتۋى ءتيىس... جالپى، بۇل رەفەرەندۋم ناۋقانى كىمنىڭ كىم ەكەنىن ءبىلۋ ءۇشىن جاسالعان ويىن سەكىلدى جانە ەلباسىعا مەرزىمىنەن بۇرىن پرەزيدەنت سايلاۋىن وتكىزۋگە جاسالعان جاعداي ەكەنى بەلگىلى بولدى.

ەلباسىنىڭ بيلىگىن 2020 جىلعا دەيىن ۇزارتۋ جونىندە رەفەرەندۋم وتكىزۋدى قولداۋشىلاردىڭ تىرلىگى زاڭسىز بولىپ تابىلدى. كونستيتۋتسيالىق كەڭەس وسىنداي شەشىم شىعاردى. زاڭ  شىعارۋشى پارلامەنتتىڭ زاڭى اتازاڭعا سايكەس كەلمەيدى. وندا ونداي پارلامەنت ءوزىن-ءوزى تاراتىپ جىبەرۋى كەرەك قوي، تيتتەي ۇياتتارى بولسا... ەندەشە وسىنداي زاڭسىز رەفورما وتكىزۋدىڭ نەگىزگى ساياسي ۇيىمى «نۇروتان» پارتياسىنىڭ ساياسي بىلىكتىلىگى جونىندە دە ماسەلە قويىلۋى كەرەك سەكىلدى... ياعني، بۇنىڭ ءبارى  ەلباسى ن.نازارباەۆتىڭ ۇستانىمىنا بايلانىستى تۋىنداپ وتىرعان جايت ەكەنىن تىرناق استىنان  كىر ىزدەۋشىلەرگە ەسكەرتە كەتكەنىمىز ءجون. وسكەمەنگە سوناۋ پاريجدەن ايلىق الىپ وتىرعان جۇمىسىن جيىپ قويىپ، ەبىل-دەبىل بولىپ ۇشىپ كەلگەن ولجاس سۇلەيمەنوۆ باستاعان «قايراتكەرلەر»، مىرزاتاي مىرزا باستاعان «اقساقالدار» ەندى ەل بەتىنە قالاي قارايدى؟  نە دەگەنمەن دە بۇل جەردە ەلباسى ەكى جەپ بيگە شىقتى... جاعىمپازدار جارىسى ەشقانداي جەڭىمپازسىز شاڭ قاۋىپ قالۋمەن اياقتالدى... ساياساتتاعى ايانىشتى جاعدايدى ەلباسىنىڭ ءوزى جۇباتتى-مەرزىمىنەن بۇرىن پرەزيدەنت سايلاۋى بولاتىن بولدى. سايلاۋ شامامەن 1 مامىرعا دەيىن ءوتۋى ءتيىس... جالپى، بۇل رەفەرەندۋم ناۋقانى كىمنىڭ كىم ەكەنىن ءبىلۋ ءۇشىن جاسالعان ويىن سەكىلدى جانە ەلباسىعا مەرزىمىنەن بۇرىن پرەزيدەنت سايلاۋىن وتكىزۋگە جاسالعان جاعداي ەكەنى بەلگىلى بولدى. پرەزيدەنت سايلاۋى ەشقاشان ءوز مەزگىلىندە ءوتىپ كورمەگەنىن، ۇنەمى ەرتە ءوتىپ كەلگەنىن ويلاساق، وبسە ءسامميتىنىڭ ويداعىداي ءوتۋى مەن عاجاپ اشىلعان ازيادا الاۋىنىڭ ەل جالاۋىن بيىككە كوتەرىپ جىبەرۋىنىڭ اياسىندا رەيتينگتىك شارىقتاۋدى بوسقا جىبەرىپ الماۋ نەگىزگى ماقسات ەكەنى انىق.

رەفەرەندۋم  ناۋقانى كىمنىڭ كىم ەكەنىن انىقتادى دەۋىمىزگە ەڭ ءبىرىنشى دالەل -5 سوتىق جەرگە جەتە الماي جۇرگەن ءۇيسىز-كۇيسىز قازاقتار تولىپ جاتقاندا  قاراساي اۋدانىنان 46 گەكتار شۇرايلى جەر العان كريشنايتتەردىڭ كرىشاسى، قازاققا قارسى «سۆوبودا سلوۆا» گازەتىنىڭ بيلىكتىڭ جوباسى ەكەنى انىقتالعانى بولدى. XX عاسىر گومەرى جامبىل جابااەۆتى سىيلاپ وتكەن حاميت ەرعاليەۆتەي تارلان اقىننىڭ قىزى، جامبىلدى ءجاي ەسەك مىنگەن اۋىلدىڭ اۋقات اڭدىعان ولەرمەن ولەڭشىسى رەتىندە قارالاعان، قانشاما ەلدى الداعان  گازەتتىڭ باس رەداكتورى گۇلجان ەرعاليەۆانىڭ ءوزى وسى ساياسي ناۋقاننان قارجى جاساپ قالۋشى، قالامگەر ەمەس، «قارجىگەر» ەكەنى اشكەرە بولدى...بۇل گازەت پەن ونىڭ رەداكتورى تۋرالى كەزىندە ناعىز وپپوزيتسيالىق «رەسپۋبليكا» گازەتى ونىڭ «جالعان وپپوزيتسيالىق» باسىلىم ەكەنىن انىقتاپ جازىپ،  وعان «جاس قازاق ءۇنى» تازەتى قولداۋ بىلدىرگەن بولاتىن... وندا كەزىندە قازىر ءبىزدىڭ زاڭ ورىندارى تريلليون تەڭگەگەدەي ەلگە شىعىن كەلتىرگەن مۇقتار ابلياەوۆتان (سوندا ەلدىڭ قۇقىق قورعاۋ ورىندارى قايدا قاراعان، «جاس قازاق ءۇنى» گازەتىن تەكسەرۋدەن باسقا جۇمىسى جوق پا) گۇلجان ەرعاليەۆانىڭ ەكى رەت وتە ۇلكەن سۋممادا قارجى العانىن، وعان «العا» پارتياسىنىڭ توراعاسى ۆ.كوزلوۆتىڭ ءوز قولىمەن اپارىپ بەرگەنىن «جاس قازاق ءۇنى» گازەتى جازعان ەدى... كەيىن  مۇقتار ءابليازوۆتىڭ  ءوزى شەتەل اسىپ كەتكەن سوڭ، ونىڭ سوڭىنان قارالاۋ ماتەريالدارىن بەرۋ ءۇشىن قانشالىقتى بەتسىز بولۋدى ويلاۋدىڭ ءوزى  قورقىنىشتى... ارينە، بۇل جەردە، ابلياەوۆتىڭ ەل قارجىسىن قىمقىرعانى  انىق بولسا، وندا ءسوز باسقا...سونىمەن قاتار ايتارىمىز، نە ايتسا دا ءدال ايتاتىن ساياساتتانۋشى-جۋرناليست سەرگەي دۋۆانوۆ «سۆوبودا سلوۆا» گازەتىنىڭ ەشقاشاندا ەلباسى مەن ونىڭ تۋىستارى جونىندە سىن ماقالا جازباعانىن... اتاپ وتەدى... بۇنىڭ ءوزى ويلاندىراتىن ءجايت ەكەنى انىق...

وبسە-گە توراعا بولىپ، 56 ەلگە كوسەمدىك جاساعان ەلدىڭ پرەزيدەنتى ن.نازارباەۆ ەل اتىنا ساي دەموكراتيالىق شەشىم جاسادى. ەندى ەل ءوزىنىڭ جالعىز باستى تاڭداۋى- سايلاۋ قۇقىن پايدالاناتىن بولدى. ال ءبىزدىڭ ەل ءۇشىن بۇنىڭ ءوزى ۇلكەن جەڭىس...

ەل تاعدىرى ەل مەن ەلباسىنىڭ قولىندا....

«جاس قازاق ءۇنى» گازەتى