دۋشانبە قالاسى سينو اۋداندىق سوتىنىڭ شەشىمى وتكەن اپتادا شىققان. سوتتاعى دەرەككوز ميليتسيا مايورى شورامازون بورونوۆ، كاپيتان نارزۋللو اسلامزود پەن ديلوۆار ميرزوەۆ ارقايسىسى 55 مىڭ سومونيدان 165 مىڭ سوموني تولەۋى كەرەك دەيدى. تاعى ءبىر ميليتسيا قىزمەتكەرى، كاپيتان وياتۋللو سايفيددينوۆ گەيلەردى بوپسالاۋدى ۇيىمداستىرۋشى دەپ تابىلعان. بىراق ول قازىر ىزدەۋدە ەكەن.

جوعارىدا اتى اتالعان ادامدار گوموسەكسۋاليستەردەن اقشا تالاپ ەتكەن. بىراق كەيىن ميليتسيا قىزمەتكەرلەرى كوررۋپتسياعا قارسى كۇرەس اگەنتتىگى تاراپىنان ۇستالعان.

كوررۋپتسياعا قارسى كۇرەس مەكەمەسىنىڭ مالىمەتى بويىنشا، قۇقىق قورعاۋ ورگاندارىنىڭ قىزمەتكەرلەرى سەكسۋالدى ازشىلىق وكىلدەرىنەن 5 مىڭ سوموني (600 دوللار شاماسىندا) تالاپ ەتكەن. بوپسالاۋشىلار 3 مىڭ سوموني الىپ جاتقان كەزدە، قولعا تۇسكەن.

تاجىكستان ءىىم مەن باس پروكۋراتۋرا مالىمەتى بويىنشا، ەلدە 370 شاماسىندا سەكسۋالدى ازشىلىق وكىلدەرى بار.

Abai.kz