سەنبى, 24 قازان 2020
COVID-19 قازاقستاندا. جۇقتىرعاندار — 110250. جازىلعاندار — 105566. قايتىس بولعاندار — 1796
1901 0 پىكىر 26 ءساۋىر, 2018 ساعات 09:35

"اتا مەكەن" ليدەرى تەكەباەۆ وتىرعان كامەرادان ۆيدەوباقىلاۋ الىنىپ تاستالعان

قىرعىزستاندا تۇرمەدە وتىرعان "اتا مەكەن" پارتياسىنىڭ ليدەرى، ەكس-دەپۋتات ومىربەك تەكەباەۆتىڭ كامەراسىنان ۆيدەوباقىلاۋ الىنىپ تاستالعان. وسىلاي دەپ جازانى ورىنداۋ مەملەكەتتىك قىزمەتى مالىمدەدى.

ۆيدەوكامەرا 11 ساۋىردە، بۇرىنعى پرەمەر-مينيستر ساپارا يساكوۆتىڭ تىكەلەي تاپسىرماسىنان كەيىن الىنىپ تاستالعان.

ومىربەك تەكەباەۆ وتىرعان كامەرادا ۆيدەوباقىلاۋ ورناتىلعانى بيىل، 29 قاڭتاردا بەلگىلى بولعان. جازانى ورىنداۋ قىزمەتى قاۋىپسىزدىك ءۇشىن ورناتتىق دەپ مويىنداعان. بىراق قۇقىق قورعاۋشىلار بۇل ارەكەتتى ايىپتاعان. تەكەباەۆتىڭ ءوزى مۇنى كۇندىز-ءتۇنى وزىنە باقىلاۋ جاساۋ ارقىلى، پسيحولوگيالىق قىسىم كورسەتىپ جاتىر دەپ باعالاعان.

«اتا مەكەن» پارتياسىنىڭ ليدەرى ومىربەك تەكەباەۆ پەن قىرعىزستاننىڭ وڭتۇستىك كورەياداعى بۇرىنعى ەلشىسى دۋيشەنكۋل چوتونوۆ 2017 جىلدىڭ اقپان ايىندا رەسەي كاسىپكەرىنەن 1 ملن دوللار كولەمىندە پارا الدى دەگەن كۇدىكپەن ۇستالعان.

بىلتىر 21 قاراشادا جوعارعى سوت ەكى ساياساتكەردى كۇشەيتىلگەن رەجيمدە 8 جىلعا سوتتاۋ تۋرالى اۋداندىق سوت شەشىمىن كۇشىندە قالدىرعان. سوتتالۋشىلاردىڭ وزدەرى مۇنىڭ ساياسي استارى بار دەپ بىلەدى.

Abai.kz

0 پىكىر