باسقارما مالىمەتىنە قاراعاندا، "پرەزيدەنت قىزمەتىنىڭ كەپىلى تۋرالى" زاڭعا سايكەس، بۇرىنعى پرەزيدەنتتىڭ تۇرمىسىن جايلاستىرۋعا قۇقىعى بار. اتاپ ايتقاندا، بۇرىنعى پرەزيدەنتكە "الا-ارچا" مەملەكەتتىك رەزيدەنتسياسى اۋماعىندا ورنالاسقان مەملەكەتتىك ساياجايدىڭ ءبىرى ءومىر بويى پايدالانۋعا بەرىلەدى.

زاڭنىڭ بۇل ەرەجەسىن ورىنداۋ ءۇشىن جاڭا عيمارات سالۋ تۋرالى شەشىم شىعارىلدى، ويتكەنى مەملەكەتتىك رەزيدەنتسيا اۋماعىندا بوس ساياجاي بولماعان. نىساننىڭ تولىق قۇرىلىسىنا 89,3 ملن سوم كەتكەن.

سونىڭ 77,8 ملن سومىن المازبەك اتامباەۆ دەمەۋشىلىك كومەك رەتىندە ءوز قالتاسىنان تولەگەن. قازىر بۇل ساياجايدا بۇرىنعى پرەزيدەنت وتباسىمەن بىرگە تۇرىپ جاتىر.

بۇل نىسان مەملەكەتتىك مەنشىگى سانالادى جانە ول جەكەشەلەندىرىلمەيدى. ساياجاي اۋدانى - 301,8 شارشى مەتر. رەزيدەنتسياداعى ساياجايدان بولەك، اتامباەۆ بىشكەككە جاقىن كوي-تاش اۋلىندا ءۇي سوعىپ جاتىر.

باسقارمانىڭ حابارلاۋىنشا، №17 ساياجايى قازىرگى پرەزيدەنتى سوورونباي جەەنبەكوۆ تۇرىپ جاتقان "وردو" ۇيىنەن الدەقايدا شاعىن.

Abai.kz