جۇما, 4 جەلتوقسان 2020
COVID-19 قازاقستاندا. جۇقتىرعاندار — 134706. جازىلعاندار — 118643. قايتىس بولعاندار — 1990
46 - ءسوز 2792 1 پىكىر 28 ناۋرىز, 2018 ساعات 08:28

ءحى عاسىردا ءومىر ءسۇرىپ جاتقان سياقتىمىز

ءبىز ءوزى قاي عاسىردا ءومىر ءسۇرىپ جاتىرمىز؟ ءحى الدە ءححى؟ قوعامداعى كەي ارەكەتكە قاراسام، ءحى عاسىر سياقتى. بىرەۋ ءۇش جەڭىل ءجۇرىستى قىزدى قامشىمەن ساباپ، ءۇش جۇزگە ۇلگى كورسەتكىسى كەلەدى، ەندى ءبىرى وزگە ۇلتقا تۇرمىسقا شىققان قىزدى ۆيدەوعا ءتۇسىرىپ، ءدۇيىم جۇرتتىڭ الدىندا ماسقارالاماق بولادى.

ءيا، جەزوكشەلىك ۇلتتىق تراگەديا، وزگە ۇلتقا قازاق قىزىنىڭ تۇرمىسقا شىعۋى دا ءدال سونداي. ەكەۋى دە ۇلت ەرتەڭى ءۇشىن اسا قاۋىپتى. الايدا ماسەلەنى وركەنيەتتى زاماندا "ورتاعاسىرلىق ادىسپەن" شەشەمىن دەۋ ودان دا قاۋىپتى! ال، كوشەگە شىعىپ ءۇش قىزدى "شەشەدەن" بوقتاپ، مايلى جەردەن تارتىپ جىبەردىڭ دەيىك. نە وزگەردى؟ دانەمە دە! ال وزگە ۇلتپەن قولۇستاسقان قازاق قىزىن جەردەن الىپ، جەرگە سالدىڭ دەلىك. نە وزگەردى؟ دانەمە دە!

ماسەلەمەن كۇرەسۋدە ناتيجە بولماسا دەمەك ءادىسىڭ ياكي ءتاسىلىڭ قاتە دەگەن ءسوز. وركەنيەتتى داۋىردە ەشبىر مەملەكەت بۇلاي كۇرەسپەيدى. ادامنىڭ قۇقىعى مەن ارىن تاپتاۋ ارقىلى كۇرەسۋ، كۇرەس ەمەس - قىلمىس.

ءيا، جەزوكشەلىكتىڭ دە، وزگە ۇلتقا كەتۋدىڭ دە وتكىر ماسەلە ەكەنىن ايتتىق. ەندەشە ول ماسەلەمەن قامشىمەن مايلى جەردەن تارتىپ قالۋ ارقىلى ەمەس، ميدى ۇلتتىق سانانى سەرپىلتەتىن ۇلتتىق يدەولوگيا ارقىلى كۇرەسۋ كەرەك. قولعا كامەرا، نە قامشى الىپ ەمەس، مەملەكەتتىك دەڭگەيدەگى شىنايى باعدارلامالار قابىلداپ، جىرتىڭ-جىرتىڭ ەتكەن انشىسىماقتاردىڭ جالاڭاش كليپتەرىن ازايتىپ، قۇندى قازاقي دۇنيەلەردى كوبەيتىپ دەگەن سىندى. وركەنيەتتى جولمەن، تولىقتاي قوعامدىق سانانى قامتيتىن ادىسپەن.

بىراق ءبىزدىڭ قوعامدا ونداي ءادىستى قولدامايتىندار جەتەرلىك. ولارعا ۇرۋ، سوعۋ، ءولتىرۋ، ايىپتاۋ ەففەكتيۆتى كورىنەدى. ءبىر كۇندىك ەففەكتىگە سەنىم ارتادى. ومىردەگى بار قيىنشىلىعىن قازاق قىزىنان كورەتىن، نە بار ساتسىزدىگىن قازاق جىگىتىنە جابا سالاتىندارعا ونداي ءادىس مايداي جاعادى. ونى جوعارعى جاقتاعى شەندىلەردەن باستاپ، تومەنگى تاپتاعى باتىرسىماقتارعا دەيىن جاقسى مەڭگەرگەن. ءوز اۋديتورياسىنا ءوز ءرولىن تاماشا سومدايدى.

اكىم قوعامدىق كولىكپەن ەكى كۇن جۇرسە، اياعىنا ەتىك كيىپ سۋ باسقان اۋىلعا ەكى ساعاتقا بارسا، ءبىر كۇن جۇمىسىنا شايتاناربانى شيقىلداتا تەۋىپ جەتسە، ءبىر مارتە ماجىلىستە بارلىعى قازاقشا سويلەسە قوعامنىڭ جارتىسى ماسەلەنىڭ وڭدى شەشىلىپ جاتىر دەگەن مانيپۋلياتسياسىنا ءماز بولادى.

شىندىعىندا ءبارى كوز بوياۋ، الداۋ، ارباۋ! قامشىمەن ۇرۋ دا، كامەراعا ءتۇسىرۋ دە تۋرا سونداي. ماعان دەسەڭ دۇرە سوق، بىراق ءتانىن ساتقان قىز ساتا بەرمەك، ماعان دەسەڭ ون كامەرامەن ءتۇسىر، وزگە ۇلتقا تيگەن قىز سانى ازايمايدى. ويتكەنى سەن ماسەلەمەن كۇرەسپەدىڭ، تەك حالىقتىڭ كورگىسى كەلگەن ەموتسيالىق اسەرىن كورسەتتىڭ. ءبىتتى! بۇل ءادىستى كورگەندە ۇياتتىڭ ءوزى ۇياتمەننەن ۇيالعان شىعار. ماسەلەمەن وركەنيەتتى ءتاسىل ارقىلى كۇرەسەيىكشى!

اسحات قاسەنعالي

Facebook-تەگى پاراقشاسىنان

1 پىكىر